Indonesia Open: ഇന്ത്യക്ക് മികച്ച തുടക്കം, സിന്ധുവും ശ്രീകാന്തും രണ്ടാം റൗണ്ടിൽ

ന്യൂഡൽഹി: ഇന്തോനേഷ്യ ഓപ്പണിൽ മികച്ച തുടക്കവുമായി ഇന്ത്യൻ താരങ്ങൾ. പിവി സിന്ധുവും കിദംബി ശ്രീകാന്തും രണ്ടാം റൗണ്ടിൽ കടന്നു. ജപ്പാനീസ് താരങ്ങളായ അയ ഒഹോരിയെയും കെൻെറ നിഷോമോട്ടോയെയുമാണ് യഥാക്രമം ഇരുവരും തോൽപ്പിച്ചത്.

അഞ്ചാം സീഡായ സിന്ധു ഈ സീസണിൽ ആദ്യ ടൂർണമെൻറ് വിജയത്തിനായാണ് ലക്ഷ്യമിടുന്നത്. വനിതാ സിംഗിൾസിൽ 11-21, 21-15, 21-15 എന്ന സ്കോറിനാണ് ഒഹോരിയെ സിന്ധു പരാജയപ്പെടുത്തിയത്. 21-14, 21-13 എന്ന സ്കോറിനാണ് പുരുഷ സിംഗിൾസിൽ ശ്രീകാന്തിൻെറ വിജയം.

ഓഹോരിക്കെതിരെ സിന്ധു നേടുന്ന തുടർച്ചയായ ഏഴാം വിജയമാണിത്. നിഷോമോട്ടോയുമായി ശ്രീകാന്തിൻെറ ആറാം മത്സരമായിരുന്നു ഇന്തോനേഷ്യ ഓപ്പണിൽ നടന്നത്. ഇതിൽ ശ്രീകാന്തിൻെറ അഞ്ചാം വിജയമാണ്.

ലോക അഞ്ചാം നമ്പർ താരമായ സിന്ധു രണ്ടാം റൗണ്ടിൽ ഡെൻമാർക്കിൻെറ മിയ ബ്ലിച്ച്ഫെൽഡ്ട്ടിനെ നേരിടും. ലോക ഒമ്പതാം നമ്പർ താരമായ ശ്രീകാന്ത് ഹോങ്കോങിൻെറ ലോങ് ആംഗസിനെ നേരിടും.