Korea Open 2019: പിവി സിന്ധുവിന് അട്ടിമറി തോൽവി; ആദ്യ റൗണ്ടിൽ പുറത്തായി

ന്യൂഡൽഹി: കൊറിയ ഓപ്പൺ ബാഡ്മിൻറണിൽ ഒന്നാം റൗണ്ടിൽ തന്നെ തോറ്റ് ഇന്ത്യയുടെ പിവി സിന്ധു പുറത്തായി. ലോക ചാമ്പ്യൻഷിപ്പിലെ വിജയത്തിന് ശേഷം താരം ആദ്യമായാണ് ഇത്രയും ദയനീയ തോൽവി ഏറ്റുവാങ്ങുന്നത്. സീഡ് ചെയ്യപ്പെടാത്ത അമേരിക്കൻ താരം ഷ്വാങ് ബെയ‍്‍വാൻ ആണ് സിന്ധുവിനെ അട്ടിമറിച്ചത്.

21-7, 22-24, 15-21 എന്ന് സ്കോറിനാണ് സിന്ധുവിൻെറ തോൽവി. ആദ്യ ഗെയിം സിന്ധു അനായാസം സ്വന്തമാക്കിയിരുന്നു. എന്നാൽ അടുത്ത രണ്ട് ഗെയിമും വിജയിച്ച് അമേരിക്കൻ താരം ശക്തമായി തിരിച്ച് വന്നു. ഇന്ത്യയുടെ സൈന നെഹ‍്‍വാളും ഇന്ന് കൊറിയ ഓപ്പണിൽ ആദ്യ മത്സരത്തിന് ഇറങ്ങുന്നുണ്ട്.

Read More: പിവി സിന്ധുവിന് കനത്ത തിരിച്ചടി; കൊറിയൻ പരിശീലക രാജിവെച്ചു

അതേ സമയം, പുരുഷ സിംഗിൾസിൽ ആദ്യ മത്സരത്തിൻെറ പകുതിയിൽ വെച്ച് ഇന്ത്യൻ താരം സായ് പ്രണീത് പിൻമാറി. ആദ്യ ഗെയിം പരാജയപ്പെട്ട് രണ്ടാം ഗെയിമിലും പിന്നിൽ നിൽക്കവേയാണ് പരിക്ക് മൂലം താരം പിൻമാറിയത്. പ്രണീതിനെതിരെ കളിച്ച ആൻേറഴ്സ് അൻേറാൺസൺ രണ്ടാം റൗണ്ടിൽ കടന്നു.