​ ഐഎസ്എല്‍: കേരള ബ്ലാസ്റ്റേഴ്സിന് ആദ്യ ജയം

ഐഎസ്എല്‍ മൂന്നാം സീസണില്‍ കേരള ബ്ലാസ്റ്റേഴ്‌സിന് ആദ്യ വിജയം. ഹോംഗ്രൗണ്ടില്‍ നടന്ന മല്‍സരത്തില്‍ മികച്ച ഫോമിലുള്ള മുംബൈ സിറ്റിയെയാണ് എതിരില്ലാത്ത ഒരു ഗോളിന് തോൽപിച്ചത്. 58-ആം മിനിറ്റിൽ മൈക്കൽ ചോപ്രയുടെ ഗോളിലൂടെയാണ് വിജയം കൈപ്പിടിയിലൊതുക്കിയത്. സച്ചിൻ ടെൻഡുൽക്കറും ഇക്കുറി കളികാണുന്നതിനായി കൊച്ചി ജവഹർലാൽ നെഹ്റു സ്റ്റേഡിയത്തിൽ എത്തിയിരുന്നു.

ഇതുവരെ കളിച്ച മൂന്നു മല്‍സരങ്ങളില്‍ നിന്നു ബ്ലാസ്റ്റേഴ്‌സിനു നേടാനായത് ഒരു പോയിന്റ് മാത്രമായിരുന്നു. . സ്വന്തം തട്ടകമായ കൊച്ചി ജവഹര്‍ലാല്‍ നെഹ്‌റു സ്റ്റേഡിയത്തില്‍ നടന്ന കഴിഞ്ഞ മല്‍സരത്തില്‍ ഡല്‍ഹി ഡൈനാമോസിനെ ഗോള്‍രഹിത സമനിലയില്‍ കുരുക്കിയെങ്കിലും വിജയം കൈയകലെ ആയിരുന്നു. അതിനുമുമ്പ് കളിച്ച രണ്ടു മല്‍സരങ്ങളിലും ബ്ലാസ്റ്റേഴ്‌സ് തോല്‍വിയേറ്റുവാങ്ങുകയും ചെയ്തിരുന്നു. അതിന് ശേഷം വിജയത്തിലൂടെ വൻ തിരിച്ചുവരവാണ് ബ്ലാസ്റ്റേഴ്സ് നടത്തിയിര്കികുന്നത്.

ഇനി അടുത്ത നാലു കളികളും എതിരാളികളുടെ തട്ടകത്തിലാണ്. അടുത്ത മാസം എട്ടിന് എഫ്‌സി ഗോവയ്‌ക്കെതിരേയാണ് അടുത്ത മല്‍സരം.