എെഎസ് എൽ: എഫ് സി ഗോവയ്ക്ക് 11 കോടി രൂപ പിഴ

എഫ് സി ഗോവയ്ക്ക് 11 കോടി രൂപ പിഴ. ഇന്ത്യന്‍ സൂപ്പര്‍ ലീഗ് ടൂര്‍ണമെന്റിലെ ഫൈനല്‍ മത്സരത്തിനിടെയുള്ള അച്ചടക്ക ലംഘനത്തെ തുടര്‍ന്നാണ് പിഴ. അടുത്ത സീസണിലെ ടീമിന്റെ 15 പോയന്റ് വെട്ടിക്കുറയ്ക്കാനും തീരുമാനിച്ചിട്ടുണ്ട്. എഎസ്‌എല്‍ റെഗുലേറ്ററി കമ്മിറ്റിയുടെതാണ് ശക്തമായ അച്ചടക്ക നടപടി.

ടൂര്‍ണമെന്റിലെ ഫൈനലിനൊടുവില്‍ വിജയികളായ ചെന്നൈയിന്‍ എഫ്സി മാര്‍ക്വീ താരം എലാനോ ബ്ലൂമറുമായുള്ള കയ്യാങ്കളിയാണു അച്ചടക്ക നടപടിയിലേക്ക് നയിച്ചത്.

11 കോടി രൂപ പിഴയില്‍ ഒരു കോടി രൂപ ചെന്നൈയിന്‍ എഫ്സിക്കു നല്‍കണം. ഗോവ ടീം ഉടമകളായ ദത്തരാജ് സാല്‍ഗോക്കറെ ഐഎസ്‌എല്‍ അനുബന്ധ പ്രവര്‍ത്തനങ്ങളില്‍ നിന്നു മൂന്നു വര്‍ഷവും ശ്രീനിവാസ ഡെംപോയെ രണ്ടു വര്‍ഷവും വിലക്കിയിട്ടുമുണ്ട്. ഇരുവര്‍ക്കും അടുത്ത സീസണില്‍ സ്റ്റേഡിയത്തില്‍ പ്രവേശിക്കാന്‍ പോലും അനുവാദമുണ്ടാകില്ല