ജപ്പാൻ ഓപ്പൺ: ശ്രീകാന്ത് ക്വാർട്ടറിൽ, പ്രണോയും സിന്ധുവും പുറത്ത്

ടോക്കിയോ: ജപ്പാൻ ഓപ്പൺ ബാഡ്മിൻറൺ വനിതാ സിംഗിൾസിൽ ഇന്ത്യയുടെ പി.വി.സിന്ധു പുറത്തായി. ചൈനയുടെ ഗാവോ ഫാങ്ജിയോടാണ് സിന്ധു രണ്ടാം റൗണ്ടിൽ പരാജയപ്പെട്ടത്. 55 മിനിറ്റ് നീണ്ടു നിന്ന പോരാട്ടത്തിൽ 18-21, 19-21 എന്ന സ്കോറിനാണ് താരത്തിൻെറ തോൽവി.

മുൻ ലോക ഒന്നാം നമ്പർ താരം കിഡംബി ശ്രീകാന്ത് ഹോങ്കോങിൻെറ വോങ് വിങ് കി വിൻസെൻറിനെയാണ് പരാജയപ്പെടുത്തിയത്. കൊറിയയുടെ ലി ഡോങ് കിയോണാണ് ക്വാർട്ടറിൽ ശ്രീകാന്തിൻെറ എതിരാളി.

അതേ സമയം ഇന്ത്യയുടെ എച്ച്.എസ് പ്രണോയ് പുറത്തായി. ഇന്തോനേഷ്യൻ താരം ആന്തണി സിനിസുഗ ഗിൻടിങിനോടാണ് പ്രണോയ് തോറ്റത്.