യുഎസ് ഓപ്പണിൽ ചരിത്രം സൃഷ്ടിച്ച് ജപ്പാൻ താരങ്ങൾ സെമിയിൽ

ന്യൂയോർക്ക്: യുഎസ് ഓപ്പൺ സെമിഫൈനലിലെത്തുന്ന ആദ്യ ജപ്പാൻ വനിതാ താരമായി നവോമി ഒസാക്ക. 1996ന് ശേഷം ഒരു ഗ്ലാൻറ്സ്ലാം സെമിയിലെത്തുന്ന ആദ്യ ജപ്പാൻ വനിതാതാരം കൂടിയാണ് ഒസാക്ക. ഉക്രൈയ്‌ൻെറ ലെയ്‌സ സുരെങ്കോയെ 6-1, 6-1 എന്ന സ്‌കോറിനാണ് ഒസാക്ക പരാജയപ്പെടുത്തിയത്.

57 മിനിറ്റ് മാത്രം നീണ്ട അനായാസ മത്സരത്തിനൊടുവിലാണ് ജപ്പാൻ താരത്തിൻെറ വിജയം. സെമിയില്‍ മാഡിസന്‍ കീ ആയിരിക്കും ഒസാക്കയുടെ എതിരാളി. മറ്റൊരു സെമിയിൽ സെറീന വില്ല്യംസ് 19-ാം സീഡ് സെവസ്റ്റോവയെ നേരിടും.

21-ാം സീഡ് ജപ്പാൻെറ കെയ് നിഷികോരി പുരുഷ വിഭാഗം സെമിയിലും കടന്നു. നൊവാക് ദ്യോക്കോവിച്ചാണ് നിഷികോരിയുടെ എതിരാളി.