ലോക പാരാസ്വിമ്മിങ്ങിൽ രാജ്യത്തിന് അഭിമാനമായി കാഞ്ചൻമാല

നാഗ‍്‍പൂ‍ർ: ലോക പാരാ സ്വിമ്മിങ്ങ് ചാമ്പ്യൻഷിപ്പിൽ ചരിത്രത്തിൽ ആദ്യമായി ഇന്ത്യക്ക് സ്വർണമെഡൽ സമ്മാനിച്ച് നാഗ‍്‍പൂ‍ർ സ്വദേശി​ കാഞ്ചൻമാല പാണ്ഡെ. 200 മീറ്റർ വിഭാഗത്തിലാണ് കാഴ്ച വൈകല്യമുള്ള നീന്തൽതാരമായ​ കാഞ്ചൻമാല സ്വർണം നേടിയത്.

മെക്സിക്കോയാലാണ് ലോക പാരാ സ്വിമ്മിങ്ങ് ചാമ്പ്യൻഷിപ്പ് നടക്കുന്നത്. റിസർവ് ബാങ്ക് ഓഫ് ഇന്ത്യയിൽ ജീവനക്കാരിയായ കാഞ്ചൻമാല മെഡൽ പ്രതീക്ഷയുണ്ടായിരുന്നെങ്കിലും അത് സ്വർണമെഡലായിരിക്കുമെന്ന് ഒരിക്കലും കരുതിയിരുന്നില്ല.

"ലോക ചാമ്പ്യൻഷിപ്പിനായി നല്ല തയ്യാറെടുപ്പുകൾ നടത്തിയിരുന്നു. മെക്സിക്കോയിൽ മികച്ച പ്രകടനം കാഴ്ച വെച്ച് ഒരു മെഡൽ നേടുക എന്നതായിരുന്നു ലക്ഷ്യം. എന്നാൽ സ്വർണമെഡൽ ലഭിക്കുമെന്ന് ഒരിക്കലും പ്രതീക്ഷിച്ചിരുന്നില്ല. ഇത് പറഞ്ഞറിയിക്കാൻ പറ്റാത്ത സന്തോഷം തരുന്നു" കാഞ്ചൻമാല ടൈംസ് ഓഫ് ഇന്ത്യയോട് പറഞ്ഞു.