കളി തുടങ്ങി; സികെ വിനീതും റിനോയും ഇന്ന് കളിക്കില്ല

കൊച്ചി : കേരള ബ്ലാസ്റ്റേഴ്സ്-ബെംഗളൂരു എഫ്‌സിയെ പോരാട്ടം തുടങ്ങി. കൊച്ചിയില്‍ ബ്ലാസ്റ്റേഴ്സിന്‍റെ ഹോം ഗ്രൗണ്ടിലണ് മത്സരം. മലയാളി താരം സി.കെ വിനീത്, സൂപ്പര്‍ താരം ദിമിത്താര്‍ ബെര്‍ബറ്റോവ്, ഗോള്‍ കീപ്പര്‍ പോള്‍ റഹൂബ്ക എന്നിവര്‍ ആദ്യ ഇലവനില്ല. എന്നാല്‍ ബ്ലാസ്റ്റേഴ്സ് ആരാധകരുടെ സൂപ്പര്‍ താരം ഹ്യൂമേട്ടന്‍ ആദ്യ ഇലവനില്‍ ഉള്‍പ്പെട്ടിട്ടുണ്ട്. റഹൂബ്കക്കു പകരം സുബാഷിഷ് റോയ് അയിരിക്കും ഗോള്‍വല കാക്കുക.

ആറ് കളിയില്‍ ഒരു ജയവും നാല് സമനിലയുമായി ലീഗില്‍ എട്ടാം സ്ഥാനത്താണ് ബ്ലാസ്റ്റേഴ്സ്. ഏഴ്‌ കളിയില്‍ നാല് ജയവും മൂന്ന് തോല്‍വിയുമായി 12 പോയിന്‍റുള്ള ബി.എഫ്.സി ലീഗില്‍ നാലാം സ്ഥാനത്താണ്. പരിക്കേറ്റതിനെതുടര്‍ന്നാണ് വിനീത് ഇറങ്ങാത്തത്. പരിക്കേറ്റ ബെര്‍ബറ്റോവും റിനോ ആന്റോയും ഇന്ന് ഇറങ്ങില്ല. ഇയാന്‍ ഹ്യൂം ആദ്യ ഇലവനില്‍ സ്ഥാനം പിടിച്ച്‌ ടീമില്‍ തിരിച്ചെത്തിയിട്ടുണ്ട്. ബ്ലാസ്റ്റേഴ്സിന്റെ കൊച്ചിയിലെ നാലാമത്തെ കളിയാണ് ഇന്നത്തേത്.