കൊച്ചിയില്‍ ഇന്ന് ബ്ലാസ്റ്റേഴ്‍സ്‍ vs ജിറോണ

കൊച്ചി: ലാലിഗ വേള്‍ഡ്‍ പരമ്പരയിലെ അവസാന മത്സരത്തില്‍ ഇന്ന് കേരള ബ്ലാസ്റ്റേഴ്‍സ്‍, കരുത്തരായ എഫ്‍.സി ജിറോണയെ നേരിടും. ആദ്യ മത്സരത്തില്‍ കേരള ബ്ലാസ്റ്റേഴ്‍സിനെ എതിരില്ലാത്ത ആറ് ഗോളുകള്‍ക്ക് തോല്‍പ്പിച്ച എഫ്‍സി മെല്‍ബണിനെ, അതേ സ്കോറിന് ജിറോണ തോല്‍പ്പിച്ചിരുന്നു.

സ്‍പെയിനിലെ ഒന്നാം ഡിവിഷന്‍ സ്‍പാനിഷ് ലാലിഗയില്‍ കളിക്കുന്ന ക്ലബ് ആണ് ജിറോണ. മാഞ്ചസ്റ്റര്‍ സിറ്റിയുടെ ഉടമസ്ഥതയിലുള്ള ജിറോണ, കഴിഞ്ഞ സീസണിലാണ് ലാലിഗയില്‍ കളിക്കാന്‍ യോഗ്യത നേടിയത്.

ബാഴ്‍സലോണ ഉള്‍പ്പെടുന്ന കാറ്റലോണിയയില്‍ നിന്നാണ് ജിറോണ വരുന്നത്. കടുത്ത മത്സരമായിരിക്കും നേരിടേണ്ടി വരിക എന്ന് അറിഞ്ഞുകൊണ്ടായിരിക്കും ബ്ലാസ്റ്റേഴ്‍സ്‍ ഇറങ്ങുന്നത്. കനത്ത തോല്‍വി ഒഴിവാക്കാന്‍ ബ്ലാസ്റ്റേഴ്‍സിന് പൊരുതേണ്ടി വരും.