20-ാം വട്ടവും കേരളം കപ്പിനകരികെ

റോത്തക്: ദേശീയ സീനിയര്‍ സ്കൂള്‍ അത്ലറ്റിക്സിൽ കേരളം വീണ്ടും കിരീടത്തിനരികെ. നിലവിലെ ചാമ്പ്യൻമാരായ കേരളത്തിന് ഇപ്പോള്‍ 80 പോയിന്‍റാണുള്ളത്. പോയിന്‍റ് നിലയിൽ രണ്ടാം സ്ഥാനത്തുള്ള ഹരിയാനയ്ക്ക് മറികടക്കാനാവാത്ത ഉയരത്തിലാണ് കേരളം. തുടര്‍ച്ചയായ 20-ാം തവണയാണ് കേരളം കിരീടം നേടുന്നത്.

ഇന്നലെ മൂന്നു സ്വര്‍ണവും മൂന്നു വെള്ളിയും രണ്ടു വെങ്കലവും കേരളം നേടിയിരുന്നു. ഇന്നലത്തെ മത്സരങ്ങള്‍ അവസാനിക്കുമ്പോള്‍ കേരളത്തിന് 64 പോയിന്‍റും തൊട്ടു പിന്നിൽ ഹരിയാനയ്ക്ക് 53 പോയിന്‍റും തമിഴ്നാടിന് 30 പോയിന്‍റുമായിരുന്നു.

1500 മീറ്ററിൽ ആണ്‍കുട്ടികളുടെയും പെണ്‍കുട്ടികളുടെയും വിഭാഗത്തിൽ കേരളം സ്വര്‍ണം നേടി. പെണ്‍കുട്ടികളിൽ അനുമോള്‍ തമ്പിയും ആണ്‍കുട്ടികളിൽ ആദര്‍ശ് ഗോപിയുമായിരുന്നു മുൻപിൽ. ആണ്‍കുട്ടികളുടെ 200 മീറ്ററിൽ കേരളത്തിന്‍റെ അശ്വിൻ ബി ശങ്കറും പെണ്‍കുട്ടികളിൽ കെ ആര്‍ ആതിരയും വെള്ളി നേടി.