സ്കൂള്‍ കായികോത്സവം: ബബിതയ്ക്കും മേഘയ്ക്കും മീറ്റ് റെക്കോര്‍ഡോടെ സ്വര്‍ണം

തേഞ്ഞിപ്പലം: സംസ്ഥാന സ്കൂള്‍ കായികമേളയ്ക്ക് കാലിക്കറ്റ് സര്‍വകലാശാല സി.എച്ച്‌.മുഹമ്മദ് കോയ സ്റ്റേഡിയത്തിലെ സിന്തറ്റിക്ക് ട്രാക്കില്‍ തുടക്കം കുറിച്ചു. മീറ്റിലെ ആദ്യ സ്വര്‍ണമുള്‍പ്പെടെ രണ്ടു സ്വര്‍ണവുമായി നിലവിലെ ചാംപ്യന്‍മാരായ എറണാകുളം ജില്ല കുതിക്കുന്നു. പാലക്കാടിന്റെ സി.ബബിതയും തിരുവനന്തപുരം സായിയിലെ മേഘ മറിയം മാത്യുവും മീറ്റ് റെക്കോര്‍ഡോടെ സ്വര്‍ണം നേടി.

സീനിയര്‍ ആണ്‍കുട്ടികളുടെ 5,000 മീറ്ററില്‍ കോതമംഗലം മാര്‍ ബേസില്‍ സ്കൂളിലെ ബിപിന്‍ ജോര്‍ജാണ് എറണാകുളത്തിനായി ആദ്യ സ്വര്‍ണം നേടിയത്.
തിരുവനന്തപുരം സായിയിലെ അഭിനന്ദ് സുരേന്ദ്രന്‍ വെള്ളിയും പാലക്കാട് പറളി എച്ച്‌എസിലെ അജിത്ത് പി.എന്‍. വെങ്കലവും നേടി.