സന്തോഷ് ട്രോഫിക്കുള്ള കേരള ടീമിനെ പ്രഖ്യാപിച്ചു

ഗോവയില്‍ നടക്കുന്ന സന്തോഷ് ട്രോഫി ഫുട്ബോളിന്റെ ഫൈനല്‍ റൗണ്ടിനുള്ള കേരള ടീമിനെ പ്രഖ്യാപിച്ചു.
കോഴിക്കോട് നടന്ന യോഗ്യതാ റൗണ്ട് കളിച്ച നാല് താരങ്ങളെ മാറ്റിയാണ് കേരള ടീമിനെ പ്രഖ്യാപിച്ചത്. ഫിറോസ്, ഷിബിന്‍ ലാല്‍, അനന്തു മുരളി, നെറ്റോ ബെന്നി എന്നീ നാല് താരങ്ങളെയാണ് മാറ്റിയത്. ഇരുപതംഗ ടീമിനെ ഉസ്മാന്‍ തന്നെ നയിക്കും. കെ.എസ്.ഇ.ബിയുടെ നിഷോണ്‍ സേവിയര്‍, എ.ജി.എസ് ഓഫീസ് താരങ്ങളായ ജിപ്സണ്‍ ജസ്റ്റിന്‍, ഷെറിന്‍ സാം, എസ്.ബി.ടി താരമായ ജിജോ ജോസഫ് എന്നിവരാണ് പുതിയതായി ടീമിലെത്തിയത്.

മാര്‍ച്ച്‌ പന്ത്രണ്ടു മുതലാണ് ടൂര്‍ണമെന്റ് തുടങ്ങുന്നത്.
മാര്‍ച്ച്‌ പതിനാറിനാണ് കേരളത്തിന്റെ ആദ്യ മത്സരം. റെയില്‍വേക്ക് എതിരെയാണ് ആദ്യ മത്സരം. ഗ്രൂപ്പ് മത്സരങ്ങളില്‍ മഹാരാഷ്ട്ര, മിസോറാം, പഞ്ചാബ്, എന്നിവരാണ് കേരളത്തിന്റെ മറ്റ് എതിരാളികള്‍.
17ന് പഞ്ചാബിനേയും 19ന് മിസോറാമിനേയും 21ന് മഹാരാഷ്ട്രയേയും കേരളം നേരിടും.

കേരള ടീം: മിഥുന്‍. വി ,അജ്മല്‍, മെല്‍ബിന്‍.എസ്, നജേഷ്.എം, ലിജോ. എസ്, രാഹുല്‍ വി രാജ്, നൗഷാദ്, ശ്രീരാഗ്, സീസന്‍, ഷെറിന്‍ സാം, മുഹമ്മദ് പരോക്കോട്ടില്‍, ജിഷ്ണു ബാലകൃഷ്ണന്‍, നിഷോണ്‍ സേവിയര്‍, ജിജോ ജോസഫ്, അസറുദീന്‍, ഉസ്മാന്‍ പി, ജോബി ജസ്റ്റിന്‍, എല്‍ദോസ് ജോര്‍ജ്, ജിപ്സണ്‍, സഹല്‍ അബ്ദുല്‍ സമദ്.

kerala team for santosh trophy 2017

Kerala announces 20 member squad for Santhosh Trophy 2017