വലൻസിയയോട് സമനില വഴങ്ങി ബാഴ‍്‍സലോണ

വലൻസിയ: ലാലിഗയിൽ വലൻസിയക്കെതിരെ ബാഴ‍്‍സലോണ സമനില വഴങ്ങി. മത്സരത്തിൻെറ ഒന്നാം പകുതിയിൽ മെസ്സി അടിച്ച ഗോൾ റഫറി അനുവദിച്ചില്ല. റഫറിയുടെ ബാഴ‍്‍സലോണ താരങ്ങളും മാനേജ്മെൻറും അതൃപ്തി പ്രകടിപ്പിച്ചു.

പന്ത് ഗോൾ വര കടന്നിട്ടും റഫറി അനുവദിക്കാഞ്ഞത് വലിയ പ്രതിഷേധത്തിന് ഇടയാക്കി. മത്സരത്തിൽ റോഡ്രിഗോയുടെ ഗോളിലൂടെ ആദ്യം മുന്നിലെത്തിയത് വലൻസിയയാണ്. മത്സരം അവസാനിക്കുന്നതിന് നിമിഷങ്ങൾ ബാക്കി നിൽക്കെ ജോർദി അൽബയാണ് ബാഴ്സയെ സമനിലയിൽ എത്തിച്ചത്.

മത്സരം സമനിലയിൽ ആയെങ്കിലും നിലവിൽ ലീഗിൽ ഒന്നാം സ്ഥാനത്ത് തുടരുകയാണ് ബാഴ‍്‍സലോണ.