ലുക്കാക്കു തിളങ്ങി: യുണൈറ്റഡിന് തകർപ്പൻ വിജയം

മോസ്കോ: റൊമേലു ലുക്കാക്കുവിൻെറ ചിറകിലേറി ചാമ്പ്യൻസ് ലീഗിൽ മാഞ്ചസ്റ്റർ യുണൈറ്റഡിന് തകർപ്പൻ വിജയം. ഗ്രൂപ്പ് എ മത്സരത്തിൽ സിഎസ്‍കെഎ മോസ്കോയെ 4-1നാണ് യുണൈറ്റഡ് തകർത്തത്. ലുക്കാക്കു രണ്ട് തവണ ഗോൾവല ചലിപ്പിച്ചു.

മത്സരം തുടങ്ങി മിനിറ്റുകൾക്ക് ശേഷവും ഇടവേളക്ക് തൊട്ട് മുമ്പുമായിട്ടായിരുന്നു ബെൽജിയൻ താരത്തിൻെറ ഇരട്ട ഗോളുകൾ. സിഎസ്‍കെഎയുടെ പ്രതിരോധത്തിലെ പാളിച്ചകൾ മുതലാക്കുകയായിരുന്നു മാഞ്ചസ്റ്റർ. ആൻറണി മാർഷ്യാൽ, ഹെൻറ്റിക് മികിതര്യാൻ എന്നിവരാണ് മറ്റ് രണ്ട് ഗോളുകൾ നേടിയത്.

ടീമിൻെറ കളിമികവിലും ആത്മവിശ്വാസത്തിലും താൻ ഏറെ സന്തോഷവാനാണെന്ന് യുണൈറ്റഡ് മാനേജർ ജോസ് മൗറീഞ്ഞോ പറഞ്ഞു. രണ്ട് മത്സരത്തിൽ നിന്ന് നേടിയ ആറ് പോയിൻറുകൾ ടീമിന് ലീഗിൽ മുൻതൂക്കം നൽകുമെന്നും അദ്ദേഹം വ്യക്തമാക്കി.

Lukaku double leads Manchester United to CSKA romp

Romelu Lukaku struck twice to lead Manchester United to an emphatic 4-1 away win over CSKA Moscow in Champions League Group A on Wednesday.