പാലക്കാട്: ഇന്ത്യയുടെ മധ്യദൂര ഓട്ടക്കാരിയായ മലയാളി വനിതാ അത്ലറ്റ് പി യു ചിത്ര (PU Chithra) വിവാഹിതയാകുന്നു. പോലീസ് ഉദ്യോഗസ്ഥനായ പാലക്കാട് നെന്മാറ സ്വദേശി ഷൈജുവാണ് വരൻ. നിലവിൽ ഇന്ത്യൻ റെയിൽവേയിൽ ഉദ്യോഗസ്ഥയാണ് ഇരുപത്തിയേഴുകാരിയായ ചിത്ര. പാലക്കാട് മുണ്ടൂർ സ്വദേശിനിയായ ചിത്ര 2009 ലെ സംസ്ഥാന കായിക മേളയിൽ 3000 മീറ്റർ ഓട്ടത്തിൽ സ്വർണം നേടിയാണ് ആദ്യമായി ശ്രദ്ധിക്കപ്പെടുന്നത്. 2011 ൽ പൂന ആതിഥേയത്വം വഹിച്ച നാഷണൽ സ്കൂൾ ഗെയിംസിൽ 1500 മീറ്റർ, 3000 മീറ്റർ ഓട്ടത്തിൽ താരം സ്വർണം നേടി. തുടർന്ന് വൻ കുതിപ്പാണ് ചിത്ര തന്റെ കരിയറിൽ നടത്തിയത്.
2016 ൽ ഗുവാഹത്തിയിൽ വെച്ചു നടന്ന സൗത്ത് ഏഷ്യൻ ഗെയിംസിൽ 1500 മീറ്ററിൽ സ്വർണം നേടിയ ചിത്ര, തൊട്ടടുത്ത വർഷം ഏഷ്യൻ ഇൻഡോർ & മാർഷ്യൽ ഗെയിംസിലും സുവർണ നേട്ടം സ്വന്തമാക്കി. ഇതേ വർഷം തന്നെയാണ് ഏഷ്യൻ അത്ലറ്റിക്ക്സ് ചാമ്പ്യൻഷിപ്പിലും 1500 മീറ്റർ ഓട്ടത്തിൽ താരം ഒന്നാമതെത്തിയത്. 2018 ലെ ജക്കാർത്ത ഏഷ്യൻ ഗെയിംസിൽ 1500 മീറ്ററിൽ വെങ്കലം സ്വന്തമാക്കാനായത് ചിത്രയുടെ കരിയറിലെ ഏറ്റവും വലിയ നേട്ടങ്ങളിലൊന്നാണ്. 2019 ലെ ദോഹ ഏഷ്യൻ അത്ലറ്റിക്ക്സ് ചാമ്പ്യൻഷിപ്പിലും 1500 മീറ്ററിൽ ചിത്ര തന്നെയായിരുന്നു ചാമ്പ്യൻ.
Read Latest Sports News and Malayalam News
2016 ൽ ഗുവാഹത്തിയിൽ വെച്ചു നടന്ന സൗത്ത് ഏഷ്യൻ ഗെയിംസിൽ 1500 മീറ്ററിൽ സ്വർണം നേടിയ ചിത്ര, തൊട്ടടുത്ത വർഷം ഏഷ്യൻ ഇൻഡോർ & മാർഷ്യൽ ഗെയിംസിലും സുവർണ നേട്ടം സ്വന്തമാക്കി. ഇതേ വർഷം തന്നെയാണ് ഏഷ്യൻ അത്ലറ്റിക്ക്സ് ചാമ്പ്യൻഷിപ്പിലും 1500 മീറ്റർ ഓട്ടത്തിൽ താരം ഒന്നാമതെത്തിയത്. 2018 ലെ ജക്കാർത്ത ഏഷ്യൻ ഗെയിംസിൽ 1500 മീറ്ററിൽ വെങ്കലം സ്വന്തമാക്കാനായത് ചിത്രയുടെ കരിയറിലെ ഏറ്റവും വലിയ നേട്ടങ്ങളിലൊന്നാണ്. 2019 ലെ ദോഹ ഏഷ്യൻ അത്ലറ്റിക്ക്സ് ചാമ്പ്യൻഷിപ്പിലും 1500 മീറ്ററിൽ ചിത്ര തന്നെയായിരുന്നു ചാമ്പ്യൻ.
Read Latest Sports News and Malayalam News