മാഞ്ചസ്റ്റർ സിറ്റി എഫ്.എ കപ്പിൽ നിന്ന് പുറത്തായി

ന്യൂഡൽഹി: എഫ്.എ കപ്പിൻെറ അഞ്ചാം റൗണ്ടിൽ അപ്രതീക്ഷിത തോൽവിയേറ്റ് വാങ്ങി മാഞ്ചസ്റ്റർ സിറ്റി പുറത്തായി. വിഗാൻ അത്‍ലറ്റിക്കിനോടാണ് സിറ്റി ഏകപക്ഷീയമായ ഒരു ഗോളിന് തോറ്റത്. മത്സരം അവസാനിക്കാൻ 11 മിനിറ്റ് ബാക്കിനിൽക്കെ വിൽ ഗ്രിഗ്ഗാണ് വിഗാന് വേണ്ടി ഗോൾ നേടിയത്.

ആദ്യ പകുതിയുടെ അവസാനം ഫാബിയൻ ഡെൽഫ് ചുവപ്പുകാ‍ർഡ് കണ്ട് പുറത്തായതോടെ 10 പേരുമായാണ് സിറ്റി കളിച്ചത്. പ്രീമിയ‍ർ ലീഗിൽ ഒന്നാം സ്ഥാനക്കാരായി മുന്നേറ്റം തുടരുന്ന ടീമിന് പരാജയം കനത്ത തിരിച്ചടിയായി.

ചില നാടകീയ സംഭവങ്ങൾക്കും മത്സരം വേദിയായി. സിറ്റി മാനേജ‍ർ പെപ് ഗ്വാ‍ർഡിയോളയും വീഗൻ മാനേജ‍ർ പോൾ കുക്കും തമ്മിൽ വാക് ത‍ർക്കത്തിലേ‍ർപ്പെട്ടു. സിറ്റി താരം സെ‍ർജിയോ അഗ്യൂറോ കളി കാണാനെത്തിയ ആരാധകനുമായും വഴക്കിട്ടു.