മാഞ്ചസ്റ്റർ സിറ്റി ലോകത്തെ ഏറ്റവും വിലപിടിപ്പുള്ള ക്ലബ്ബ്

മാഞ്ചസ്റ്റർ: ലോകത്തെ ഏറ്റവും ചെലവേറിയ ഫുട്ബോൾ ക്ലബായി പ്രീമിയർ ലീഗിലെ ഒന്നാം സ്ഥാനക്കാരായ മാഞ്ചസ്റ്റർ സിറ്റി. പെപ് ഗ്വാർഡിയോളയുടെ ടീമിൻെറ ഏകദേശ ചെലവ് 878 മില്യൺ യൂറോയാണ്. അതായത് ഏകദേശം 6939 കോടി രൂപ.

ഫ്രഞ്ച് ക്ലബ്ബായ പാരീസ് സെയ്ൻറ് ജർമെയ്ൻ (പി.എസ്.ജി) ആണ് ഏറ്റവും ചെലവേറിയ രണ്ടാമത്തെ ക്ലബ്ബ്. 805 മില്യൺ (6,385 കോടി) ആണ് ടീമിൻെറ ചെലവ്. ഒരു റിസർച്ച് ഗ്രൂപ്പാണ് വിവരങ്ങൾ പുറത്ത് വിട്ടത്. ഇംഗ്ലീഷ് മാഞ്ചസ്റ്റർ യുണൈറ്റഡ്, ബാഴ്‍സലോണ, ചെൽസി എന്നീ ടീമുകളാണ് യഥാക്രമം അടുത്ത മൂന്ന് സ്ഥാനങ്ങളിലുള്ള വില പിടിപ്പുള്ള ടീമുകൾ.