​ഡി ബ്രൂണെയെ 2024 വരെ ടീമിൽ നില നി‍ർത്താൻ മാഞ്ചസ്റ്റർ സിറ്റി

ലണ്ടൻ: പ്രീമിയർ ലീഗിൽ മാഞ്ചസ്റ്റർ സിറ്റി ടീമിലെ പ്രമുഖ താരം ഡി ബ്രൂണെയുമായി പുതിയ കരാറിനൊരുങ്ങുന്നുവെന്ന് റിപ്പോർട്ട്. ബെൽജിയം മിഡ് ഫീൽഡറെ 2024 വരെ ക്ലബ്ബിൽ തന്നെ നില നിർത്താനാണ് ശ്രമം. റെക്കോർഡ് തുകയായ 55 മില്യൺ പൗണ്ടിനാണ് 2015ൽ താരത്തെ സിറ്റി സ്വന്തമാക്കിയത്. അഞ്ച് വ‍ർഷത്തേക്കായിരുന്നു കരാ‍ർ.

താരത്തിൻെറ പ്രതിഫലം നിലവിലുള്ളതിനേക്കാൾ ഇരട്ടിയായേക്കുമെന്നാണ് റിപ്പോ‍ർട്ടുകൾ. ഇംഗ്ലീഷ് പ്രീമിയ‍ർ ലീഗിൽ മാഞ്ചസ്റ്റ‍ർ സിറ്റി ഒന്നാം സ്ഥാനത്ത് കുതിപ്പ് തുടരുകയാണ്. ടീമിൻെറ മുന്നേറ്റത്തിൽ ഏറ്റവും പ്രധാന പങ്ക് വഹിക്കുന്നത് 26കാരനായ ബ്രൂണെയാണ്. താരത്തിൻെറ ഈ സീസണിലെ പ്രകടനത്തിന് പ്രത്യേക പാരിതോഷികം നൽകാനും ക്ലബ്ബ് ആലോചിക്കുന്നുണ്ട്.