പ്രീമിയർ ലീഗ് കിരീടം ഉറപ്പിച്ച് മാഞ്ചസ്റ്റർ സിറ്റി

ലണ്ടൻ: ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ സിറ്റി കിരീടം സ്വന്തമാക്കുമെന്ന് ഉറപ്പായി. രണ്ടാം സ്ഥാനത്തുള്ള മാഞ്ചസ്റ്റർ യുണൈറ്റഡ് കഴിഞ്ഞ മത്സരത്തിൽ 1-0ന് തോറ്റതോടെയാണ് സിറ്റി ചാമ്പ്യൻ പട്ടം ഉറപ്പാക്കിയത്.

കിരീട പോരാട്ടത്തിൽ സിറ്റിയോട് പിടിച്ച് നിൽക്കണമെങ്കിൽ യുണൈറ്റഡിന് സമനിലയെങ്കിലും വേണമായിരുന്നു. വെസ്റ്റ് ബ്രോമിനോടാണ് അവർ പരാജയപ്പെട്ടത്. പ്രീമിയർ ലീഗിൽ അഞ്ച് മത്സരങ്ങൾ ബാക്കി നിൽക്കെ സിറ്റിക്ക് 87 പോയൻറാണുള്ളത്. 71 പോയൻറുമായാണ് യുണൈറ്റഡ് രണ്ടാം സ്ഥാനത്തുള്ളത്.