കോമൾ തട്ടാൽ മാഞ്ചസ്റ്ററിൻെറ സൂക്ഷ്മ നിരീക്ഷണത്തിലാണ്!

ന്യൂഡൽഹി: അണ്ടർ 17 ലോകകപ്പ് ഇന്ത്യൻ ടീമിലെ മിന്നും താരമാണ് കോമൾ തട്ടാൽ. സ്വർണ തലമുടിക്കാരനായ ഈ സിക്കിം താരം ഇപ്പോൾ തന്നെ ഇന്ത്യൻ നെയ്‍മ‍ർ എന്നാണ് വിശേഷിപ്പിക്കപ്പെടുന്നത്. പന്തടക്കം കൊണ്ടും കളിമികവ് കൊണ്ടും ആദ്യ മത്സരത്തിൽ തന്നെ തട്ടാൽ ആരാധകരുടെ ഹൃദയത്തിൽ ഇടം പിടിച്ചു.

'ഇന്ത്യൻ നെയ്‍മ‍റെ' യൂറോപ്യൻ ക്ലബ്ബായ മാഞ്ചസ്റ്റർ യുണൈറ്റഡ് നോട്ടമിട്ട് തുടങ്ങിയെന്ന് വാർത്തകൾ പ്രചരിച്ചിരുന്നു. അങ്ങനെ സംഭവിച്ചാൽ ഇന്ത്യൻ ഫുട്ബോളിന് ലഭിക്കുന്ന മറ്റൊരു വലിയ നേട്ടമായിരിക്കും അത്. ഇന്ത്യക്കാർ മാത്രമല്ല, ലോക ഫുട്ബോളിലെ തന്നെ ഒരു പ്രമുഖ ക്ലബ്ബാണ് ഈ ഇന്ത്യൻ മിഡ്‍ഫീൽഡറെ ലക്ഷ്യമിടുന്നത്.

എന്നാൽ ഇതുമായി ബന്ധപ്പെട്ട് ഔദ്യോഗികമായി ഒരു വിവരവും ലഭിച്ചിട്ടില്ലെന്ന് തട്ടാലിനോട് അടുത്ത വൃത്തങ്ങൾ ഇൻറർനാഷണൽ ബിസിനസ് ടൈംസിനോട് പ്രതികരിച്ചു. സാമൂഹ്യ മാധ്യമങ്ങളിലൂടെയും മാധ്യമ വാർത്തകളിലൂടെയും വിവരങ്ങൾ മാത്രമേ താരത്തിനും അറിയുകയുള്ളൂ.

Manchester United target Komal Thatal: Here is the truth

According to various reports India's Under 17 world cup team midfielder Komal Thatal may play for European club Manchester United.