മറഡോണയുടെ റെക്കോ‍ർഡ് മറികടന്ന് മാരെക് ഹംസിക്

മിലാൻ: അർജൻറീനയുടെ ഫുട്ബോൾ ഇതിഹാസം ഡീഗോ മറഡോണയുടെ റെക്കോർഡ് മറികടന്ന് നാപ്പോളിയുടെ സ്ലൊവാക്യൻ താരം മാരെക് ഹംസിക്. നാപ്പോളിക്ക് വേണ്ടി ഏറ്റവും കൂടുതൽ ഗോൾ നേടുന്ന താരം എന്ന റെക്കോർഡാണ് ഹംസിക് നേടിയത്.

നാപ്പോളിക്ക് വേണ്ടി മറഡോണ 115 ഗോളുകളാണ് നേടിയിരുന്നത്. സാംപ്‍ഡോറിയക്കെതിരെ നാപ്പോളി 3-2ന് വിജയം നേടിയ മത്സരത്തിലാണ് ഹംസിക് 116ാം ഗോൾ നേടിയത്. 1991ൽ മറഡോണ സ്ഥാപിച്ച റെക്കോ‍ർഡാണ് താരം മറി കടന്നത്.

നാപ്പോളി ഇറ്റാലിയൻ ലീഗിൽ ഒന്നാം സ്ഥാനത്ത് തുടരുകയാണ്. യുവൻറസ്, ഇൻറർമിലാൻ ടീമുകളാണ് തൊട്ടടുത്ത സ്ഥാനങ്ങളിൽ ഉള്ളത്.