മേരി കോമിന് ഏഷ്യൻ ചാമ്പ്യൻഷിപ്പിൽ അഞ്ചാം സ്വർണം

ഹോ ചി മിങ് സിറ്റി: ഇന്ത്യയുടെ മേരി കോമിന് ഏഷ്യൻ ചാമ്പ്യൻഷിപ്പിൽ സ്വർണം. 48 കിലോഗ്രാം ഫൈനലിൽ കൊറിയയുടെ കിം ഹ്യാങ് മിയെ പരാജയപ്പെടുത്തിയാണ് മേരി കോം സ്വർണം നേടിയത്. ഏഷ്യൻ ചാമ്പ്യൻഷിപ്പിൽ താരത്തിൻെറ അഞ്ചാമത് സ്വർണമെഡൽ നേട്ടമാണിത്.

48 കിലോഗ്രാം വിഭാഗത്തിൽ ഇന്ത്യൻ താരത്തിൻെറ ആദ്യ ഏഷ്യൻ സ്വർണമെഡൽ നേട്ടം കൂടിയാണ് ഇത്. ജപ്പാൻെറ ത്സുബാസയെ 5-0 എന്ന സ്കോറിന് തകർത്താണ് മേരി കോം ഫൈനലിൽ എത്തിയിരുന്നത്. നിലവിൽ രാജ്യസഭാ എംപിയായ മേരി കോം മുൻ ഒളിമ്പിക്സ് വെങ്കല മെഡൽ ജേതാവ് കൂടിയാണ്.

51 കിലോഗ്രാം വിഭാഗത്തിലാണ് താരം കൂടുതൽ തവണയും മത്സരിച്ചിട്ടുള്ളത്.