കോപ്പ അമേരിക്കയില്‍ ലയണല്‍ മെസ്സി ബൂട്ടണിയുന്നു

ലയണല്‍ മെസ്സി കോപ്പ അമേരിക്കയില്‍ ബൂട്ടണിയുന്നു. പരിക്ക്‍ മൂലം വിശ്രമത്തിലായിരുന്ന മെസ്സി കോപ്പയില്‍ പാനമയ്ക്കെതിരായ മത്സരത്തില്‍ കളിക്കുമെന്നാണ് കോച്ച്‌ ഗെരാര്‍ഡോ മാര്‍ട്ടിനോ നല്‍കുന്ന സൂചന. മെസ്സി ഇപ്പോള്‍ പരിശീലനം നടത്തിവരികയാണ്. ഇന്നലെ ടീമിനൊപ്പവും പരിശീലനം നടത്തി.

ഇക്കഴിഞ്ഞ മെയ് 27ന് ഹോണ്ടുറാസിനെതിരെ നടന്ന മത്സരത്തിനിടെ മെസ്സി കളി പൂര്‍ത്തിയാക്കാതെ മടങ്ങുകയായിരുന്നു. കോപ്പയില്‍ മെസ്സിയെ കൂടാതെ കളിച്ച അര്‍ജന്റീന ആദ്യ മത്സരത്തില്‍ ചിലിക്കെതിരെ മിന്നുന്ന ജയമാണ് സ്വന്തമാക്കിയത് (2-1). മെസ്സിക്ക് പകരം ടീമിലെത്തിയ നിക്കോളസ് ഗെയ്റ്റനാവട്ടെ മികച്ച പ്രകടനമാണ് കാഴ്ചവച്ചത്.