മെസ്സിയെ മാഞ്ചസ്റ്റർ സ്വന്തമാക്കിയേക്കും; കരാർ തുക 247 മില്യൺ ഡോളർ

ലണ്ടൻ: അർജന്‍റീന ഫുട്ബോൾ താരം ലയണൽ മെസ്സിയെ ഇംഗ്ലീഷ് ക്ലബ്ബായ മാഞ്ചസ്റ്റർ സിറ്റി സ്വന്തമാക്കാൻ പോകുന്നതായി റിപ്പോർട്ട്. മെസ്സിയെ ടീമിലെത്തിക്കാൻ 247 മില്യൺ ഡോളർ ചെലവഴിച്ചതായാണ് റിപ്പോർട്ടുകൾ. മെസ്സി വ്യക്തിപരമായി അടുപ്പം പുലർത്തുന്ന വ്യക്തികൂടിയായ സിറ്റിയുടെ മുൻ പരിശീലകൻ പെപ് ഗ്വാർഡിയോളയാണ് മെസ്സിയെ ടീമിലെത്തിക്കാനുള്ള പരിശ്രമങ്ങൾ നടത്തുന്നത്.

എന്നാൽ ബാഴ്‌സയുമായുള്ള കരാർ താരം അവസാനിപ്പിക്കുകയാണെന്ന് നേരത്തെ റിപ്പോർട്ടുകൾ ഉണ്ടായിരുന്നു. അതിനാൽ തന്നെ മെസ്സിയുടെ കൂടുമാറ്റം സത്യമാകാനാണ് സാധ്യതയെന്ന് ഒരു പ്രമുഖ സ്‌പാനിഷ്‌ പത്രം റിപ്പോർട്ട് ചെയ്‌തു. ജൂലൈ മുതൽ മെസ്സിക്ക് കരാർ ഒന്നും ഇല്ലാത്തതും ഈ തീരുമാനത്തിന് കാരണമായെന്ന് സൂചനയുണ്ട്.

പതിനേഴാം വയസിൽ ബാഴ്‌സയിൽ എത്തിയ മെസ്സി 2004-2005 സീസണിലാണ് ആദ്യമായി ബാഴ്‌സയ്ക്ക് വേണ്ടി ബൂട്ടണിയുന്നത്.