മെസിയുടെ സഹോദരൻ മത്യാസ് മെസി വീട്ടു തടങ്കലിൽ

ബ്യൂണസ് എെറിസ്: അർജൻറീനിയൻ സൂപ്പർതാരം ലയണൽ മെസിയുടെ മൂത്ത സഹോദരൻ മത്യാസ് മെസി വീട്ടു തടങ്കലിൽ. തോക്ക് കൈവശം വെച്ചതിനാണ് അദ്ദേഹത്തെ വീട്ടു തടങ്കലിലാക്കിയത്. ശരീരത്തിൽ പരിക്കുകളുമായി ആശുപത്രിയിൽ ചികിത്സയിലായിരുന്നു മത്യാസ്.

ശരീരത്തിൽ രക്തവും മുറിവുകളുമായി അദ്ദേഹത്തെ നവംബർ 30ന് ഒരു ബോട്ടിൽ നിന്ന് കണ്ടെത്തിയിരുന്നു. പിന്നീട് ചികിത്സക്കായി ആശുപത്രിയിലെത്തിക്കുകയായിരുന്നു. ആരോടെങ്കിലും അദ്ദേഹം വഴക്കുണ്ടാക്കിയിരിക്കാമെന്ന് പോലീസ് കരുതുന്നു.

ഇതുമായി ബന്ധപ്പെട്ടാണ് തോക്ക് കൈവശം വെച്ചതിന് 35കാരനായ മത്യാസിനെ വീട്ടു തടങ്കലിലാക്കിയത്. രണ്ടാം തവണയാണ് സമാനമായ കേസിൽ മത്യാസ് പിടിക്കപ്പെടുന്നത്.