ആഴ്‍സണലിൻെറ ചരിത്രത്തിലെ വില കൂടിയ താരമായി ഓസിൽ

ലണ്ടൻ: ആഴ്‍സണലിൻെറ ചരിത്രത്തിലെ ഏറ്റവും വില കൂടിയ താരമായി ജർമ്മൻ താരം മെസൂട്ട് ഓസിൽ. ക്ലബ്ബുമായി താരം പുതിയ കരാറിലൊപ്പിട്ടു. ആഴ്ചയിൽ 350000 യൂറോയാണ് താരത്തിന് ലഭിക്കുക. ബുധനാഴ്ചയാണ് 29കാരനായ താരം ക്ലബ്ബുമായി പുതിയ കരാറൊപ്പിട്ടത്.

മൂന്ന് വർഷം കൂടി ഓസിൽ ക്ലബ്ബിൽ തന്നെ തുടരും. താരം ക്ലബ്ബ് വിട്ടേക്കുമെന്ന വാർത്തകൾക്കിടെയാണ് പുതിയ കരാർ. 2013ൽ റയൽമാഡ്രിഡിൽ നിന്നാണ് ഓസിൽ ആഴ്‍സണലിലെത്തിയത്. റെക്കോർഡ് തുകയായ 42.4 യൂറോക്കായിരുന്നു താരത്തിൻെറ കൂടുമാറ്റം.