'ലോകകപ്പിൽ അവൻ നയിക്കും': പെലെ ആത്മവിശ്വാസത്തിലാണ്

ദുബായ്: വരുന്ന ലോകകപ്പ് ഫുട്ബോളിൽ ബ്രസീൽ മികച്ച മുന്നേറ്റം നടത്തുമെന്ന കാര്യത്തിൽ ഇതിഹാസ താരം പെലെ തികഞ്ഞ ആത്മവിശ്വാസത്തിലാണ്. പരിക്കിൻെറ പിടിയിലാണെങ്കിലും സൂപ്പർതാരം നെയ്മർ ലോകകപ്പിൽ പൂർണ ആരോഗ്യവാനായി തിരിച്ചെത്തുമെന്ന് പെലെ വ്യക്തമാക്കി.

നെയ്മർ പരിക്കിൽ നിന്ന് മോചിതനായെത്തി ടീമിനെ നയിക്കുമെന്ന് പെലെ ദുബായിൽ എ.എഫ്.പിയോട് പറഞ്ഞു. ബ്രസീൽ നെയ്മറിൻെറ നേതൃത്വത്തിൽ ആറാം ലോകകിരീടം സ്വന്തമാക്കുമെന്നും അദ്ദേഹം ശുഭാപ്തി വിശ്വാസം പ്രകടിപ്പിച്ചു.

"എന്താണ് സംഭവിക്കാൻ പോവുന്നതെന്ന് നമുക്ക് ഉറപ്പായി പ്രവചിക്കാൻ സാധിക്കില്ല. എന്നാൽ നെയ്മറിൻെറ പരിക്ക് ഗുരുതരമല്ലെന്ന് ഞാൻ കരുതുന്നു. അദ്ദേഹം ലോകകപ്പോടെ തിരിച്ചെത്തും," പെലെ പറഞ്ഞു.