നീന്തലിൽ ഇന്ത്യയ്ക്കായി പണമിരന്ന് നേടിയ വെള്ളി മെഡൽ

ബെർലിനിൽ വെച്ച് നടന്ന അന്താരാഷ്ട്ര പാരാ അത്ലറ്റിക്സ് നീന്തൽ മത്സരത്തിൽ ഇന്ത്യയെ പ്രതിനിധീകരിച്ച് മത്സരിച്ച കാഞ്ചൻ മാല വെള്ളി മെഡൽ സ്വന്തമാക്കിയത് കടം വാങ്ങിയും പിച്ചതെണ്ടിയും ലഭിച്ച പണം കൊണ്ട്. സർക്കാർ അനുവദിച്ച തുക ലഭിക്കാതെ വന്ന അവസരത്തിലാണ് അന്ധയായ ഈ നീന്തൽതാരത്തിന് ഈയൊരു അനുഭവം ഉണ്ടായിരിക്കുന്നത്. അന്യ നാട്ടിൽ വെച്ച് അപരിചിതരായ പലരുടെയും കൈയിൽ നിന്ന് കാശ് കടം വാങ്ങേണ്ടതായി വന്നു. പാരാ അത്ലറ്റിക്സ് നീന്തൽ മത്സരത്തിൽ പങ്കെടുക്കാൻ അവസരം കിട്ടിയ ഒരെയൊരു ഇന്ത്യക്കാരിയാണിവർ. പരിപൂർണ അന്ധയായ കാഞ്ചൻമാല നാഗ്പുർ സ്വദേശിയാണ്.

സർക്കാർ അനുവദിച്ച ഫണ്ട് മത്സരത്തിന് മുമ്പെ ലഭിക്കാതെ വന്നതാണ് കാഞ്ചൻമാലയ്ക്ക് ഈ അപമാനം സഹിക്കേണ്ടി വന്നത്. ജൂലൈ 9 മുതലായിരുന്നു മത്സരം. എസ്11 കാറ്റഗറിയിലാണ് കാഞ്ചൻമാല മത്സരിച്ചത്. അപമാനം സഹിക്കേണ്ടതായി വന്നുവെങ്കിലും മത്സരത്തിൽ വെള്ളി മെഡൽ നേടാൻ ഈ മത്സരാർഥിക്ക് സാധിച്ചു. 5 ലക്ഷത്തോളം രൂപ കടമെടുത്താണ് ഇവർ മത്സരത്തിൽ പങ്കെടുത്തിരിക്കുന്നത്. സർക്കാറിൽ നിന്ന് പണം തിരിച്ച് ലഭിക്കുമോ എന്നതിൽ ഉറപ്പില്ലെന്നും താരം വ്യക്തമാക്കി.

എസ്11 വിഭാഗത്തിൽ മത്സരിക്കുന്ന തന്‍റെ പേര് 50എം ബാക്ക് സ്‌ട്രോക്കിലാണ് ഉള്‍പ്പെടുത്തിയത്. അതും വല്ലാതെ തളർത്തിയിരുന്നു. മാത്രമല്ല വിസ പോലും സ്വന്തമായി തരപ്പെടുത്തേണ്ടതായി വന്നു. ഈ വിവരമറിഞ്ഞ ഒളിമ്പിക്സ് സ്വർണ മെഡൽ ജേതാവ് അഭിനവ് ബിന്ദ്ര ട്വിറ്ററിലൂടെ ശക്തമായി പ്രതികരിച്ചു.

Paralympic swimmer 'forced to borrow money in Berlin'

A media report on Indian para-athletes stranded in Berlin since the sports body didn't release money for them has caught the attention of Sports Minister Vijay Goel, who has sought details of the matter.