നേഷൻസ് ലീഗ്: പോർച്ചുഗൽ സെമിയിൽ കടന്നു

മിലാൻ: ഇറ്റലിയെ സമനിലയിൽ കുരുക്കി യൂറോപ്യൻ ചാമ്പ്യൻമാരായ പോർച്ചുഗൽ നേഷൻസ് ലീഗ് സെമിഫൈനലിൽ കടന്നു. ലീഗിൽ സെമിയിലെത്തുന്ന ആദ്യ ടീമാണ് പോർച്ചുഗൽ. ഗ്രൂപ്പ് എ3യിൽ ഒന്നാം സ്ഥാനക്കാരായാണ് പോർച്ചുഗൽ സെമിയിൽ പ്രവേശിച്ചത്.

കഴിഞ്ഞ ദിവസം നടന്ന ഇറ്റലിയുമായുള്ള മത്സരം ഗോൾരഹിത സമനിലയിലാണ് അവസാനിച്ചത്. ഇറ്റലിക്ക് പ്രതീക്ഷകൾ നിലനിർത്തണമെങ്കിൽ മത്സരം വിജയിക്കണമായിരുന്നു. സമനിലയിൽ കുരുങ്ങിയതോടെ അവർ ലീഗിൽ നിന്ന് പുറത്തായിക്കഴിഞ്ഞു.

സൂപ്പർതാരം ക്രിസ്റ്റ്യാനോ റൊണാൾഡോ ഇല്ലാതെയാണ് പോർച്ചുഗൽ മത്സരത്തിന് ഇറങ്ങിയത്.