മാഞ്ചസ്റ്റ‍‍ർ സിറ്റി വൻ വിവാദത്തിൽ; ചാമ്പ്യൻസ് ലീഗിൽ നിന്ന് വിലക്കിയേക്കും

ന്യൂയോർക്ക്: പ്രീമിയർ ലീഗ് ചാമ്പ്യൻമാരായ മാഞ്ചസ്റ്റർ സിറ്റിയെ അടുത്ത സീസണിൽ ചാമ്പ്യൻസ് ലീഗിൽ നിന്ന് വിലേക്കിയേക്കുമെന്ന് സൂചന. സാമ്പത്തിക ക്രമക്കേടുമായി ബന്ധപ്പെട്ട് ക്ലബ്ബിനെതിരെ ആരോപണങ്ങൾ വന്നിരുന്നു. ഒരു ജർമൻ മാഗസിനാണ് സിറ്റിയുടെ സാമ്പത്തിക ക്രമക്കേടുമായി ബന്ധപ്പെട്ട വാർത്തകൾ പുറത്ത് വിട്ടത്.

ഇത് സംബന്ധിച്ച് യുവേഫയും പ്രീമിയർ ലീഗും അന്വേഷണം നടത്തി. സിറ്റിയെ വിലക്കണമെന്ന് യുവേഫ പാനൽ ശുപാർശ ചെയ്യുമെന്നാണ് ന്യൂയോർക്ക് ടൈംസ് റിപ്പോർട്ട് ചെയ്യുന്നത്. ക്ലബ്ബിൻെറ അക്കൌണ്ടുകളും മറ്റും പാനൽ വിശദമായി അന്വേഷണ വിധയമാക്കിയിട്ടുണ്ട്.

സംഭവത്തിൽ വിലക്ക് ലഭിക്കാതിരിക്കാൻ ക്ലബ്ബിന് കാരണം കാണിക്കൽ നോട്ടീസ് നൽകിയിരുന്നു. എന്നിട്ടും യാതൊരു വിധ പ്രതികരണവും അധികൃതരുടെ ഭാഗത്ത് നിന്നുണ്ടായില്ല. ഇതോടെയാണ് കനത്ത അച്ചടക്ക നടപടിക്ക് സാധ്യത ഏറുന്നത്.