​ചോരയൊലിപ്പിച്ച് റൊണാൾഡോ കളിക്കളം വിട്ടു: റയലിന് വമ്പൻ ജയം

മാഡ്രിഡ്: മത്സരത്തിനിടെ നെറ്റി പൊട്ടി ചോരയൊലിപ്പിച്ച് കളിക്കളം വിടേണ്ടി വന്ന ക്രിസ്റ്റ്യാനോ റൊണാൾഡോ രണ്ട് ഗോളടിച്ചു. ഒടുവിൽ ലാലിഗയിൽ ഡിപ്പോർട്ടീവോയെ 7-1ന് റയൽ മാഡ്രിഡ് തകർത്ത് വിട്ടു. ലീഗിൽ റയൽ നാലാം സ്ഥാനം തിരിച്ച് പിടിക്കുകയും ചെയ്തു. കളിക്കിടെ പരിക്കേറ്റ് നെറ്റി പൊട്ടിയ റൊണാൾഡോക്ക് കളിക്കളം വിടേണ്ടി വന്നു.

മത്സരത്തിൽ ഒരു ഗോൾ വഴങ്ങിയ ശേഷമായിരുന്നു റയലിൻെറ ഗോൾ വർഷം. റൊണാൾഡോക്ക് പുറമെ ഗാരത് ബെയ്‍ൽ, നാച്ചോ എന്നിവരും ഇരട്ടഗോളുകൾ നേടി. ലൂക്ക മോഡ്രിച്ചാണ് മറ്റൊരു ഗോൾ സ്കോറ‍ർ. ഡിപ്പോ‍ർട്ടീവോയുടെ ഒരു ഗോൾ അഡ്രിയാൻ ലോപ്പസാണ് നേടിയത്.