റൊണാൾഡോക്ക് പകരക്കാരനായി റയൽ 3 താരങ്ങളെ ലക്ഷ്യമിടുന്നു

മാഡ്രിഡ്: ക്രിസ്റ്റ്യാനോ റൊണാൾഡോയുടെ റയൽ മാഡ്രിഡിൽ നിന്നുള്ള ട്രാൻസ്ഫർ ക്ലബ്ബ് ഫുട്ബോൾ ലോകത്ത് പുതുചലനങ്ങൾ സൃഷ്ടിക്കും. റൊണാൾഡോയെ പോലൊരു താരം സ്പാനിഷ് ലീഗ് വിടുമ്പോൾ റയലിന് മറ്റൊരാളെ കണ്ടെത്തിയേ പറ്റൂ. ഇറ്റാലിയൻ ക്ലബ്ബായ യുവൻറസിലേക്കാണ് റൊണാൾഡോ മാറുന്നത്.

പി.സ്.ജിയുടെ ഫ്രഞ്ച് താരം എംബാപ്പെ, ബ്രസീൽ സൂപ്പർതാരം നെയ‍്‍മർ, ചെൽസിയുടെ ബെൽജിയം താരം ഈഡൻ ഹസാർഡ് എന്നിവരിൽ ഒരാളെ ടീമിൽ എത്തിക്കാൻ റയൽ ശ്രമം തുടങ്ങിയതായി ഗോൾ.കോം റിപ്പോർട്ട് ചെയ്യുന്നു.

100 മില്യൺ യൂറോക്കാണ് ക്രിസ്റ്റ്യാനോ യുവൻറസുമായി കരാർ ഒപ്പിട്ടത്. അതേ സമയം എംബാപ്പെയുമായി കരാറിന് ഒരുങ്ങുന്നവെന്ന വാർത്തകൾ നേരത്തെ റയൽ മാഡ്രിഡ് നിഷേധിച്ചിരുന്നു.