റയൽ മാഡ്രിഡ് ക്ലബ്ബ് ലോകകപ്പ് ഫൈനലിൽ

അൽ എെയ‍്‍ൻ: സ്പാനിഷ് ക്ലബ്ബ് റയൽ മാഡ്രിഡ് ഫിഫ ക്ലബ്ബ് ലോകകപ്പ് ഫുട്ബോളിൻെറ ഫൈനലിൽ കടന്നു. സെമിയിൽ അൽ ജസീറയെ 2-1ന് തോൽപ്പിച്ചാണ റയൽ ഫൈനലിലെത്തിയത്. സൂപ്പ‍ർ താരങ്ങളായ ക്രിസ്റ്റ്യാനോ റൊണാൾഡോയും ഗാരത് ബെ‍യ‍്‍ലുമാണ് റയലിനായി ഗോളുകൾ നേടിയത്.

മത്സരത്തിൽ ആദ്യ ഗോൾ നേടിയത് റൊമാരിന്യോയിലൂടെ അൽ ജസീറയാണ്. രണ്ടാം പകുതിയിലാണ് രണ്ട് ഗോളുകൾ തിരിച്ചടിച്ച് റയൽ വിജയം സ്വന്തമാക്കിയത്. ഡിസംബ‍ർ 16ന് നടക്കുന്ന ഫൈനലിൽ ബ്രസീലിയന്‍ ക്ലബ് ഗ്രെമിയോയെയാണ് റയൽ നേരിടുക. റയൽ മാഡ്രിഡ് നേരത്തെ രണ്ട് തവണ ക്ലബ്ബ് ലോകകപ്പ് കിരീടം നേടിയിട്ടുണ്ട്.