റയലിനെ ഞെട്ടിച്ച് സിദാൻെറ രാജി തീരുമാനം

മാഡ്രിഡ്: ചാമ്പ്യൻസ് ലീഗ് ജേതാക്കളായ റയൽ മാഡ്രിഡിനെ ഞെട്ടിച്ചിരിക്കുകയാണ് പരിശീലകൻ സിനദെയ്ൻ സിദാൻെറ രാജി തീരുമാനം. റയലിന് മൂന്ന് വട്ടം ചാമ്പ്യൻസ് ലീഗ് കിരീടം സമ്മാനിച്ച് പരിശീലകനെന്ന നിലയിൽ തിളങ്ങി നിൽക്കുമ്പോഴാണ് സിദാൻ ക്ലബ്ബ് വിടുകയാണെന്ന തീരുമാനം പ്രഖ്യാപിച്ചത്.

പത്രസമ്മേളനത്തിലാണ് സിദാൻ രാജിതീരുമാനം പ്രഖ്യാപിച്ചത്. സിദാൻെറ തീരുമാനം തീർത്തും അപ്രതീക്ഷിതമാണെന്ന് റയൽ പ്രസിഡൻറ് ഫ്ലോറൻറീനോ പെരസ് പറഞ്ഞു. റയലിൻെറ ചരിത്രത്തിലെ തന്നെ ഏറ്റവും മികച്ച കാലമായിരുന്നു സിദാൻ പരിശീലകനായ സമയമെന്ന് റയൽ ക്യാപ്റ്റൻ സെർജിയോ റാമോസ് പറഞ്ഞു.

ഉചിതമായ സമയത്താണ് താൻ രാജി വെക്കുന്നതെന്നാണ് സിദാൻ പത്രസമ്മേളനത്തിൽ പറഞ്ഞത്. പുതിയ തന്ത്രങ്ങളുമായി ഇനി റയൽ പുതിയ പരിശീലകൻെറ കീഴിൽ കളിക്കണമെന്നും സിദാൻ കൂട്ടിച്ചേർത്തു. ഇതിനിടെ സിദാൻ തൻെറ ദേശീയ ടീമായ ഫ്രാൻസിൻെറ പരിശീലകൻ ആയേക്കുമെന്ന അഭ്യൂഹങ്ങൾ ശക്തമാണ്.