നെയ്‍മ‍റിനെ ടീമിലേക്ക് ക്ഷണിച്ച് റയൽ മാഡ്രിഡ്

മാഡ്രിഡ്: ബ്രസീൽ സൂപ്പർ താരം നെയ്‍മ‍റിനെ റയൽ മാഡ്രിഡിലേക്ക് ക്ഷണിച്ച് ക്ലബ്ബ് പ്രസിഡൻറ് ഫ്ലോറൻറീനോ പെരസ്. താരത്തിന് ബാലൺ ഡി ഓർ ലഭിക്കാൻ റയലിൽ കളിച്ചാൽ സാധിക്കുമെന്നും അദ്ദേഹം പറഞ്ഞു. അഞ്ച് തവണ ബാലൺ ഡി ഓർ പുരസ്കാരം നേടി റയൽ താരം ക്രിസ്റ്റ്യാനോ റൊണാൾഡോ നേട്ടത്തിൻെറ നെറുകയിൽ നിൽക്കുമ്പോഴാണ് നെയ്‍മ‍റിന് വേണ്ടി ടീം വാതിലുകൾ തുറക്കുന്നത്.

നിലവിൽ ഫ്രഞ്ച് ക്ലബ്ബായ പിഎസ്‍ജിയിലാണ് നെയ്‍മ‍ർ കളിക്കുന്നത്. നേരത്തെ അദ്ദേഹം സ്പാനിഷ് ലീഗിൽ ബാഴ്സലോണക്ക് വേണ്ടിയാണ് കളിച്ചിരുന്നത്. മെസ്സിയും റൊണാൾഡോയും അഞ്ച് തവണ ബാലൺ ഡി ഓർ പുരസ്കാരം നേടിയിട്ടുണ്ട്. ഇവരുടെ നേട്ടങ്ങളിലേക്ക് ചുവടു വെക്കാൻ നെയ്‍മ‍ർ സ്പാനിഷ് ലീഗിലേക്ക് തിരിച്ച് വരണമെന്നാണ് പെരസ് പറയുന്നത്.