​റൊണാൾഡോയുടെ ഗോളിൽ റയലിന് ക്ലബ്ബ് ലോകകപ്പ് കിരീടം

അബുദാബി: ക്രിസ്റ്റ്യാനോ റൊണാൾഡോ ഒരിക്കൽ കൂടി റയൽ മാഡ്രിഡിന് ഫിഫ ക്ലബ്ബ് ലോകകപ്പ് കിരീടം നേടിക്കൊടുത്തു. ശനിയാഴ്ച ബ്രസീലിയൻ ക്ലബ്ബ് ഗ്രമിയോക്കെതിരായ ഫൈനലിൽ ക്രിസ്റ്റ്യാനോയുടെ ഫ്രീകിക്ക് ഗോളാണ് റയലിന് വിജയം സമ്മാനിച്ചത്. 1-0നാണ് ടീം വിജയം നേടിയത്.

കഴിഞ്ഞ നാല് വർഷത്തിനിടെ മൂന്നാം തവണയാണ് റയൽ ക്ലബ്ബ് ലോകകപ്പ് കിരീടം നേടുന്നത്. കിരീട നേട്ടത്തിൻെറ കാര്യത്തിൽ ടൂർണമെൻറിൻെറ ചരിത്രത്തിൽ ബദ്ധവൈരികളായ ബാഴ്സലോണക്ക് ഒപ്പമെത്തിയിരിക്കുകയാണ് റയൽ മാഡ്രിഡ്.

നിർണായക മത്സരത്തിൽ ഫോമിലേക്കുയർന്ന് റൊണാൾഡോ മിന്നുന്ന പ്രകടനം പുറത്തെടുക്കുകയായിരുന്നു. ഈ വർഷം റയലിൻെറ അഞ്ചാമത് കിരീട നേട്ടമാണിത്.