അര്‍ജന്‍റീനയുടെ കളിക്കാര്‍ സഞ്ചരിച്ച ബസ്സിന് നേരെ ആക്രമണം

ബ്യൂണസ് ഏറീസ്: അര്‍ജന്‍റീനയുടെ ദേശീയ ടീമിലെ കളിക്കാര്‍ ഉള്‍പ്പെട്ട സംഘം സഞ്ചരിച്ച ബസ്സിന് നേരെ ആക്രമണം. ശനിയാഴ്ച രാത്രിയാണ് സംഭവം നടന്നത്. അര്‍ജന്‍റീനന്‍ ലീഗിലെ ബൊക്ക ജൂനിയേഴ്‌സും റിവര്‍ പ്ലേറ്റും തമ്മിലുള്ള പോരാട്ടം നടക്കുന്നതിന് മുമ്പായിരുന്നു ആക്രമണം. ഇതോടെ കോപ്പ ലിബര്‍ട്ടഡോഴ്‌സ് ഫൈനലിന്റെ രണ്ടാംപാദ മത്സരം മാറ്റിവച്ചിട്ടുമുണ്ട്.

റിവര്‍പ്ലേറ്റ് ആരാധകരാണ് സംഭവത്തിന് പിന്നിലെന്ന് പോലീസ് പറഞ്ഞിട്ടുണ്ട്. റിവര്‍ പ്ലേറ്റിന്റെ പ്രധാന ഗ്രൗണ്ടിലായിരുന്നു രണ്ടാം പാദ മത്സരങ്ങളിലെ ഫൈനല്‍ തീരുമാനിച്ചിരുന്നത്. പോരാട്ടം നടത്തുന്നതിനായി ബൊക്ക ടീം ബ്യൂണസ് ഏറീസിലെ എസ്റ്റാഡിയോ മോന്യുമെന്‍റൽ സ്‌റ്റേഡിയത്തില്ലെത്തിയതായിരുന്നു ഈ സമയത്താണ് ആക്രമണമുണ്ടായത്.

താരങ്ങള്‍ സഞ്ചരിച്ച ബസ്സിനെതിരെ അതിരൂക്ഷമായ കല്ലേറാണ് ആദ്യം ഉണ്ടായത്. അര്‍ജന്‍റീനയുടെ ഏറ്റവും മികച്ച താരങ്ങളായ കാര്‍ലോസ് ടെവസ് അടക്കമുള്ളവര്‍ ബസ്സിൽ ഉണ്ടായിരുന്നു. സംഭവശേഷം തലവേദന അനുഭവപ്പെട്ട ടെവസിനെ പിന്നീട് ആശുപത്രിയില്‍ പ്രവേശിപ്പിച്ചിരിക്കുകയാണ്. മറ്റ് താരങ്ങളായ പാബ്ലൊ പെരസ്, ഗോണ്‍സാലോ ലമാര്‍ഡോ എന്നിവര്‍ക്കും പരിക്കേറ്റിട്ടുണ്ട്. ആദ്യമത്സരം സമനിലയിലായിരുന്നതിനാൽ തന്നെ ഈ മത്സരം ഏറെ നിര്‍ണ്ണായകമായിരുന്നു. സംഭവത്തോടെ മത്സരം ഇന്നത്തേക്ക് മാറ്റിവച്ചിരിക്കുകയാണ്.