റൊണാൾഡ് കോമാൻ നെതർലൻറ്‍സിൻെറ പുതിയ കോച്ച്

സെയ്‍സ്റ്റ്: നെതർലൻറ്‍സ് ഫുട്ബോൾ ടീമിൻെറ പുതിയ കോച്ചായി റൊണാൾഡ് കോമാനെ നിയമിച്ചു. 2022 ലോകകപ്പ് വരെ കോമാനായിരിക്കും കോച്ചെന്ന് ഡച്ച് ഫുട്ബോൾ അസോസിയേഷൻ ചൊവ്വാഴ്ച അറിയിച്ചു. കഴിഞ്ഞ എട്ട് വ‍ർഷത്തിനിടെ നെതർലൻറ്‍സ് പരീക്ഷിക്കുന്ന ഏഴാമത്തെ കോച്ചാണ് 54കാരനായ കോമാൻ.

റഷ്യയിൽ നടക്കാൻ പോവുന്ന ഫുട്ബോൾ ലോകകപ്പിന് നെതർലൻറ്‍സിന് യോഗ്യത നേടാനായിരുന്നില്ല. ഇതോടെ കോച്ച് ഡിക്ക് അഡ്വക്കാറ്റിനെ ടീം പുറത്താക്കുകയായിരുന്നു. 2020 യൂറോപ്യൻ ചാമ്പ്യൻഷിപ്പിലും 2022ലെ ഫുട്ബോൾ ലോകകപ്പിലും നെതർലൻറ്‍സിന് യോഗ്യത നേടിക്കൊടുക്കുക എന്നതായിരിക്കും കോമാൻെറ പ്രധാന ഉത്തരവാദിത്വം.

ഡച്ച് ഫുട്ബോൾ ടീമിലെ മുൻ ഡിഫൻഡറായ താരം ഇംഗ്ലീഷ് പ്രീമിയ‍ർ ലീഗിൽ എവർട്ടണിനെയാണ് അവസാനമായി പരിശീലിപ്പിച്ചത്.