​റൊണാൾഡീഞ്ഞോ ഫുട്ബോളിൽ നിന്ന് വിരമിച്ചു

റിയോഡി ജനീറോ: ബ്രസീലിയൻ ഫുട്ബോൾ ഇതിഹാസം റൊണാൾഡീഞ്ഞോ ഫുട്ബോളിൽ നിന്ന് ഔദ്യോഗികമായി വിരമിച്ചു. രണ്ട് വർഷമായി പ്രൊഫഷണൽ ഫുട്ബോളിൽ നിന്ന് താരം വിട്ടു നിൽക്കുകയാണ്. 2002ൽ ലോക കിരീടം സ്വന്തമാക്കിയ ബ്രസീൽ ടീമിൻെറ പ്രധാന താരമായിരുന്നു 37കാരനായ റൊണാൾഡീഞ്ഞോ.

ഫ്രഞ്ച് ലീഗിൽ പി.എസ്.ജിയുടെയും സ്പാനിഷ് ലീഗിൽ ബാഴ്‍സലോണയുടെയും കളിക്കാരനായിരുന്നു അദ്ദേഹം. 2015ലാണ് റൊണാൾഡീഞ്ഞോ പ്രൊഫഷണൽ ഫുട്ബോളിൽ അവസാനമായി ബൂട്ടണിഞ്ഞത്. വരുന്ന റഷ്യൻ ലോകകപ്പിന് ശേഷം ഫുട്ബോളുമായി ബന്ധപ്പെട്ടുള്ള ഏതെങ്കിലും മേഖലയിൽ സജീവമാവാൻ തന്നെയാണ് താരത്തിൻെറ തീരുമാനം.