ഉത്തേജക മരുന്ന്: ശീതകാല ഒളിമ്പിക‍്‍സിൽ റഷ്യക്ക് വിലക്ക്

മോസ്കോ: ഇൻറർനാഷണൽ ഒളിമ്പിക‍്‍സ് കമ്മിറ്റി 2018ൽ സംഘടിപ്പിക്കുന്ന ശീതകാല ഒളിമ്പിക‍്‍സിൽ റഷ്യക്ക് വിലക്ക്. ഉത്തേജക മരുന്ന് ഉപയോഗവുമായി ബന്ധപ്പെട്ട പരിശോധനയിൽ താരങ്ങൾ കുറ്റക്കാരെന്ന് കണ്ടെത്തിയതിനാലാണ് വിലക്ക് ലഭിച്ചിരിക്കുന്നത്.

പരിശോധനയിൽ കുറ്റക്കാരല്ലെന്ന് കണ്ടെത്തിയ റഷ്യൻ താരങ്ങളെ ഒളിമ്പിക‍്‍സിൽ പങ്കെടുപ്പിക്കും. പ്രത്യേക ഒളിമ്പിക‍്‍സ് ഫ്ലാഗിന് കീഴിലാണ് ഇവരെ ഉൾപ്പെടുത്തുക. ദക്ഷിണ കൊറിയയിലാണ് ശീതകാല ഒളിമ്പിക‍്‍സ് നടക്കാൻ പോവുന്നത്. ഒളിമ്പിക‍്‍സ് നടക്കാൻ വെറും രണ്ട് മാസം ബാക്കി നിൽക്കെയാണ് റഷ്യക്ക് വിലക്ക് ലഭിക്കുന്നത്.

2014 ശീതകാല ഒളിമ്പിക‍്‍സിൽ റഷ്യൻ താരങ്ങൾ വൻ തോതിൽ ഉത്തേജകമരുന്ന് ഉപയോഗം നടത്തിയെന്ന് കണ്ടെത്തിയിട്ടുണ്ട്.