കേരള ബ്ലാസ്റ്റേഴ‍‍്‍സിനൊപ്പം ഇനി സച്ചിൻ ഉണ്ടാവില്ല

കൊച്ചി: അഞ്ചാം സീസൺ ഇന്ത്യൻ സൂപ്പർ ലീഗ് തുടങ്ങുമ്പോൾ കേരള ബ്ലാസ്റ്റേഴ‍‍്‍സിനൊപ്പം ക്രിക്കറ്റ് ദൈവം സച്ചിൻ ടെണ്ടുൽക്കർ ഉണ്ടാവില്ല. ക്ലബ്ബിൻെറ സഹഉടമയായ സച്ചിൻ ഓഹരികൾ വിൽക്കാൻ ഒരുങ്ങുകയാണ്. കേരള ബ്ലാസ്റ്റേഴ‍‍്‍സ് എംഎ യൂസഫലിയുടെ ലുലു ഗ്രൂപ്പ് ഏറ്റെടുക്കാൻ ഒരുങ്ങുകയാണെന്നാണ് റിപ്പോർട്ട്.

ലുലു ഗ്രൂപ്പ് മുഴുവൻ ഓഹരികളും ഏറ്റെടുക്കുകയാണെങ്കിൽ സച്ചിൻെറ ഓഹരിയും അവർക്ക് തന്നെയായിരിക്കും ലഭിക്കുക. 2014ൽ കേരള ബ്ലാസ്റ്റേഴ‍‍്‍സിൻെറ തുടക്കം മുതൽ സച്ചിൻ ക്ലബ്ബിനൊപ്പമുണ്ട്. സച്ചിനോടുള്ള ആരാധന കാരണം ക്ലബ്ബിൻെറ ആരാധകരായവരും ഏറെയാണ്.

ഹൈദരാബാദ് വ്യവസായി പ്രസാദ് വി. പോട്ട്‍ലുരിയും സച്ചിനും ചേര്‍ന്നാണ് ടീം വാങ്ങിയത്. തുടക്കത്തിൽ സച്ചിന് 40 ശതമാനം ഓഹരികൾ ഉണ്ടായിരുന്നു. എന്നാൽ പിന്നീട് 20 ശതമാനം ആയി കുറഞ്ഞു.