എെഎസ്എല്ലിൽ കോച്ച് വാഴാത്ത ടീമായി കേരള ബ്ലാസ്റ്റേഴ്‍സ്

കൊച്ചി: കോച്ചുമാർ വാഴാത്ത ടീമായി ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്‍സ് മാറുന്നു. ലീഗ് നാലാം സീസൺ നടക്കവേ ബ്ലാസ്റ്റേഴ്‍സിൽ നിന്ന് പുറത്ത് പോവുന്ന രണ്ടാമത്തെ കോച്ചാണ് റെനി മ്യൂലൻസ്റ്റീൻ. കഴിഞ്ഞ ദിവസം നടന്ന മത്സരത്തിൽ ബെംഗലുരു എഫ്.സിക്കെതിരെ കനത്ത തോൽവി നേരിട്ടതിന് പിന്നാലെയാണ് പുതിയ കോച്ച് രാജി വെച്ചത്.

ഇതിന് മുമ്പ് എെഎസ്എൽ രണ്ടാം സീസണിൽ ടീം കോച്ചായിരുന്ന പീറ്റർ ടെയ‍്‍ല‍ർ രാജി വെച്ചിരുന്നു. തുട‍ർച്ചയായി ടീം നാല് തോൽവികൾ വഴങ്ങിയതോടെയാണ് ടെയ‍്‍ല‍ർ അന്ന് രാജി വെച്ചത്. ഈ സീസണിലും ടീം മോശം പ്രകടനമാണ് കാഴ്ച വെക്കുന്നത്. ഇത് തന്നെയാണ് മ്യൂലൻസ്റ്റീൻെറ രാജിയിൽ കലാശിച്ചത്.
എന്നാൽ വ്യക്തിപരമായ കാരണങ്ങളാലാണ് രാജിയെന്നാണ് മ്യൂലൻസ്റ്റീൻ പറഞ്ഞത്.

2017 ജൂലൈ 14നാണ് കേരള ബ്ലാസ്റ്റേഴ്സിന്റെ പരിശീലക ചുമതല മ്യൂലൻസ്റ്റീൻ ഏറ്റെടുത്തത്. നിലവിലെ സീസണിൽ‌ മോശം ഫോമിൽ തുടരുന്ന കേരള ബ്ലാസ്റ്റേഴ്സിന് ഓർ‌ക്കാപ്പുറത്തു കിട്ടിയ തിരിച്ചടി കൂടിയാണു പരിശീലകന്റെ പിന്മാറ്റം. മാഞ്ചസ്റ്റർ യുണൈറ്റഡ് ടീമിന്റെ സഹപരിശീലകനായിരുന്ന റെനി മ്യുലൻസ്റ്റിന്‍ ആന്‍സി, ഫുള്‍ഹാം, മകാബി ഹൈഫ എന്നീ ടീമുകളെ പരിശീലിപ്പിച്ച ശേഷമാണ് ബ്ലാസ്റ്റേഴ്സിലെത്തിയത്.