​സെറീന വില്യംസ് ഓസ്‍ട്രേലിയൻ ഓപ്പണിൽ കളിക്കില്ല

മെൽബൺ: മുൻ ചാമ്പ്യൻ സെറീന വില്യംസ് ഓസ്‍ട്രേലിയൻ ഓപ്പണിൽ കളിക്കില്ലെന്ന് ഉറപ്പായി. ആദ്യ പ്രസവത്തിന് ശേഷം സെറീന ഓസ്‍ട്രേലിയൻ ഓപ്പണിലൂടെ കളിക്കളത്തിൽ തിരിച്ചെത്തുമെന്ന് വാർത്തകളുണ്ടായിരുന്നു. എന്നാൽ ഇത്തവണ കളിക്കാനിറങ്ങേണ്ടെന്ന് താരം തന്നെ തീരുമാനിച്ചു.

താൻ വലിയൊരു ടൂർണമെൻറിൽ പങ്കെടുക്കാൻ തയ്യാറായിട്ടില്ലെന്ന് സെറീന അറിയിച്ചു. അബുദാബിയിൽ കഴിഞ്ഞ മാസം നടന്ന ഒരു മത്സരത്തിലൂടെ സെറീന കോർട്ടിലേക്ക് തിരിച്ച് വന്നിരുന്നു. കഴിഞ്ഞ ഓസ്ട്രേലിയൻ ഓപ്പണിൽ കിരീടം നേടിയതിന് ശേഷമാണ് താരം കളിക്കളത്തിൽ നിന്ന് വിട്ടു നിന്നത്.

എന്നാൽ പൂർണ ആരോഗ്യവതിയായ താൻ അധികം വൈകാതെ തന്നെ ടെന്നീസ് കോർട്ടിലേക്ക് തിരിച്ചെത്തുമെന്ന് സെറീന പ്രത്യാശ പ്രകടിപ്പിച്ചു.