400 മീറ്ററില്‍ ഹിമ ദാസിനും അനസിനും വെള്ളി

ജക്കാര്‍ത്ത: ഏഷ്യന്‍ ഗെയിംസില്‍ വനിതകളുടെ 400 മീറ്ററില്‍ ഇന്ത്യയുടെ ഹിമ ദാസിനും പുരുഷന്മാരുടേതില്‍ മുഹമ്മദ് അനസിനും വെള്ളി. ഫൈനലില്‍ 45.69 സെക്കൻഡിൽ അനസും 50.79സെക്കൻഡിൽ ഹിമ ദാസും ഫിനിഷ് ചെയ്തു. അനസിനൊപ്പം ട്രാക്കിലുണ്ടായിരുന്ന മറ്റൊരു ഇന്ത്യൻ താരം രാജീവ് അരോക്കിയ 45.84 സെക്കൻഡിൽ നാലാമതായാണ് ഫിനിഷ് ചെയ്തത്.

വനിതകളുടേതില്‍ ഹിമയ്‍ക്കൊപ്പം ട്രാക്കിലുണ്ടായിരുന്ന നിര്‍മ്മല ഷോരെൻ അഞ്ചാമതായാണ് ഫിനിഷ് ചെയ്തത്. വനിതകളുടേതില്‍ ബഹറൈന്‍റെ സാല്‍വ നസീറിനും പുരുഷന്മാരുടേതില്‍ ഖത്തറിന്‍റെ അബ്ദുല്ല ഹസ്സറിനുമാണ് സ്വര്‍ണ്ണ മെഡൽ.