ലോക ബാഡ്മിന്‍റണ്‍ ചാമ്പ്യന്‍ഷിപ്പ്: പി വി സി​ന്ധു ഫൈ​ന​ലി​ല്‍

നാന്‍ജിങ്: ചൈനയില്‍ നടക്കുന്ന ബാഡ്മിന്‍റണ്‍ ലോക ചാമ്പ്യന്‍ഷിപ്പില്‍ ഇന്ത്യന്‍ താരം പി.വി. സിന്ധു ഫൈനലിലെത്തി. സെമി ഫൈനലില്‍ ലോക രണ്ടാം നമ്പര്‍ ജാപ്പനീസ് താരം അകാനെ യമാഗൂച്ചിയെ നേരിട്ടുള്ള സെറ്റുകള്‍ക്ക് പരാജയപ്പെടുത്തിയാണ് സിന്ധു ഫൈനലില്‍ പ്രവേശിച്ചത്.

ഫൈനലില്‍ സ്പെയിനിന്‍റെ കരോളിന മരിനെയാണ് സിന്ധു എതിരിടേണ്ടി വരിക. റിയോ ഒളിംപിക്സ് ഫൈനലില്‍ സിന്ധുവിനെ തോല്‍പ്പിച്ച താരമാണ് കരോലിന. ഇന്ത്യയുടെ തന്നെ സൈന നെഹ്‌വാളിനെ തോല്‍പ്പിച്ച് സെമിയിലെത്തിയ മാരിന്‍ ചൈനയുടെ ഹി ബിങ്ജിയാവോയെ തോല്‍പ്പിച്ചാണ് ഫൈനലില്‍ കടന്നത്. ഈ വിജയത്തോടെ സിന്ധു നാലാം മെഡല്‍ ഉറപ്പിച്ചു.

21-16, 24-22 ആണ് സ്കോര്‍. കഴിഞ്ഞ വര്‍ഷം ലോക ചാമ്പ്യന്‍ഷിപ്പ് ഫൈനലില്‍ തന്നെ തോല്‍പ്പിച്ച ജാപ്പനീസ് താരം നൊസോമി ഒകുഹാരയെ 21-17, 21-19ന് തോല്‍പിച്ചാണ് സിന്ധു സെമിയിലെത്തിയത്.