ജാവലിൻ താരം നീരജ് ചോപ്ര ടോക്കിയോ ഒളിമ്പിക്സിന് യോഗ്യത നേടി

ന്യൂഡൽഹി: ഇന്ത്യയുടെ ജാവലിൻ ത്രോ സൂപ്പർതാരം നീരജ് ചോപ്ര ടോക്കിയോ ഒളിമ്പിക്സിന് യോഗ്യത നേടി. കൈമുട്ടിന് പരിക്കേറ്റ് വിശ്രമത്തിലായരുന്ന താരം തിരിച്ചുവരവിലാണ് ഉജ്വലനേട്ടം സ്വന്തമാക്കിയത്. ദക്ഷിണാഫ്രിക്കയിൽ നടന്ന യോഗ്യതാ മത്സരത്തിൽ 87.86 മീറ്റർ ദൂരം ജാവലിൻ എറിഞ്ഞാണ് ചോപ്രം ഒളിമ്പിക്സ് യോഗ്യത നേടിയത്.

22കാരനായ താരം പരിക്ക് കാരണം കഴിഞ്ഞ ഒരു വർഷം മത്സരങ്ങളിൽ നിന്ന് മാറി നിൽക്കുകയായിരുന്നു. 2019ൽ ഒരു മത്സരത്തിൽ പോലും പങ്കെടുക്കാതിരുന്നതിന് ശേഷമാണ് ഈ തിരിച്ചുവരവ്. 85 മീറ്ററായിരുന്നു ഒളിമ്പിക്സ് യോഗ്യതക്കായി വേണ്ടിയിരുന്നത്.

Also Read: മെല്‍ബണില്‍ വിംബിള്‍ഡണ്‍ ഫൈനല്‍! ഫെഡററും ജൊകോവിചും ഏറ്റുമുട്ടുമ്പോള്‍ മണിക്കൂറുകള്‍ മതിയാകില്ല

ഒളിമ്പിക്സ് യോഗ്യത നേടിയതിൽ ഏറെ അഭിമാനവും സന്തോഷവുമുണ്ടെന്ന് നീരജ് ചോപ്ര പറഞ്ഞു. ഏഷ്യൻ ഗെയിംസിലും കോമൺ വെൽത്ത് ഗെയിംസിലും നേരത്തെ സ്വർണമെഡൽ നേടിയിട്ടുള്ള താരമാണ് ചോപ്ര. 2018ൽ ജക്കാർത്ത ഏഷ്യൻ ഗെയിംസിലായിരുന്നു അദ്ദേഹം അവസാനമായി പങ്കെടുത്തിരുന്നത്.

Also Read: മൂന്നാം ടി20യിൽ ഇന്ത്യൻ ടീമിൽ മാറ്റം ഉണ്ടായേക്കും; ഇനിയും ആ താരത്തെ ഉൾപ്പെടുത്തിയേക്കില്ല, ടീം സാധ്യതകൾ ഇങ്ങനെ!