​ഇന്ത്യൻ ഫുട്ബോൾ ക്യാപ്റ്റൻ സുനിൽ ഛേത്രി വിവാഹിതനായി

കൊൽക്കത്ത: ഇന്ത്യൻ ഫുട്ബോൾ ടീം ക്യാപ്റ്റൻ സുനിൽ ഛേത്രിയും കാമുകി സോനം ഭട്ടാചാര്യയും വിവാഹിതരായി. ഇരുവരും തമ്മിൽ വർഷങ്ങളായി പ്രണയത്തിലായിരുന്നു.മോഹൻ ബഗാൻ ഇതിഹാസതാരം സുബ്രതോ ഭട്ടാചാര്യയുടെ മകളാണ് സോനം. കൊൽക്കത്തയിൽ വെച്ചാണ് വിവാഹം നടന്നത്.

ബിസിനസ് മാനേജ്മെൻറ് ബിരുദധാരിയായ സോനം കൊൽക്കത്തയിൽ രണ്ട് ഹോട്ടലുകൾ നടത്തുന്നുണ്ട്. വളരെ അടുത്ത സുഹൃത്തുക്കളും ബന്ധുക്കളും മാത്രമാണ് വിവാഹത്തിൽ പങ്കെടുത്തത്. കഴിഞ്ഞ മാസം ഡൽഹിയിൽ വെച്ചാണ് ഇരുവരുടെയും വിവാഹ നിശ്ചയം നടന്നത്.

നിലവിൽ ഇന്ത്യൻ സൂപ്പർ ലീഗിൽ ബെംഗലൂരു എഫ്.സിയുടെ താരമാണ് സുനിൽ ഛേത്രി. ഡിസംബർ 24ന് ബെംഗലൂരുവിൽ വെച്ച് വിവാഹ സൽക്കാരവും നടക്കും.