ഒളിമ്പിക്സ് യോഗ്യതക്കെതിരെ സുശീല്‍ കുമാര്‍ നല്‍കിയ ഹര്‍ജി ഡല്‍ഹി ഹൈക്കേടതി തള്ളി

ന്യൂഡല്‍ഹി : നരസിംഗ് യാദവിന് റയോ ഒളിമ്പിക്സില്‍ മത്സരിക്കാന്‍ യോഗ്യത നല്‍കിയതിനെതിരെ മുന്‍ ഒളിമ്പിക് താരം സുശീല്‍ കുമാര്‍ നല്‍കിയ ഹര്‍ജി ഡല്‍ഹി ഹൈക്കേടതി തള്ളി. റെസ്ലിങ്ങ് ഫെഡറേഷന്‍ ഒാഫ് ഇന്ത്യ തികച്ചും സുതാര്യമായ തെരഞ്ഞെടുപ്പാണ് നടത്തിയതെന്നും,സുശീലിനെക്കാള്‍ മികച്ച പ്രകടനം കാഴ്ച വെക്കാന്‍ നരസിംഗിന് കഴിയുമെന്ന ഫെഡറേഷന്‍റെ വിശ്വാസം തെറ്റാണെന്ന് പറയാന്‍ കഴയില്ലെന്നും കോടതി അഭിപ്രായപ്പെട്ടു.


74 കിലോഗ്രാം വിഭാഗത്തില്‍ ഒരു മികച്ച പ്രതിഭ തന്നെയാണ് സുശീല്‍ കുമാറെന്നും കോടതി കൂട്ടിച്ചേര്‍ത്തു. കഴിഞ്ഞ വര്‍ഷം ലാസ് വേഗാസില്‍ നടന്ന ഒളിമ്പിക്സ് യോഗ്യതാ റൗണ്ടില്‍ വെങ്കല മെഡല്‍ നേടിയാണ് നരസിംഗ് റയോ ഒളിമ്പിക്സ് യോഗ്യത ഉറപ്പാക്കിയത്.


കള്ളസത്യവാങ്ങ് മൂലം സമര്‍പ്പിച്ച സുശീലിനെതിരെ നിയമ നടപടി സ്വീകരിക്കാതിരുന്ന ഫെഡറേഷന്‍റെ പ്രവര്‍ത്തിയെ കോടതി ചോദ്യം ചെയ്തു. 66കിലോഗ്രാം വിഭാഗത്തില്‍ സുശീല്‍ രണ്ടു ഒളിമ്പിക്സുകളില്‍ നിന്നായി മോഡലുകള്‍ കരസ്ഥമാക്കിയിരുന്നു. ലണ്ടന്‍ ഒളിമ്പിക്സിനു ശേഷം അന്താരാഷ്ട്ര റെസ്ലിങ്ങ് അസോസിയേഷന്‍ (ഫില) നിയമങ്ങളില്‍ മാറ്റം വരുത്തിയതിനെ തുടര്‍ന്നുണ് 74 കി.ഗ്ര വിഭാഗത്തില്‍ മല്‍സരിക്കാന്‍ സുശീല്‍ തീരുമാനിച്ചത്.