ടി.പി. ദാസന്‍ സ്പോര്‍ട്സ് കൗണ്‍സില്‍ പ്രസിഡന്റാകും

തിരുവനന്തപുരം: സംസ്ഥാന സ്പോട്സ് കൗണ്‍സില്‍ പ്രസിഡന്റ് സ്ഥാനം അഞ്‍ജു ബോബി ജോർജ്ജ് രാജി വെച്ചതോടെ മുന്‍പ്രസിഡന്റ് ടിപി ദാസന്‍ സ്പോട്സ് കൗണ്‍സില്‍ പ്രസിഡന്റ് സ്ഥാനത്തേക്കെത്തുമെന്ന് സൂചന.

നേരത്തെ മുന്‍ എംഎല്‍എ വി. ശിവന്‍കുട്ടിയുടെ പേര് സ്പോര്‍ട്സ് കൗണ്‍സില്‍ അധ്യക്ഷ സ്ഥാനത്തേക്ക് പരിഗണിക്കപ്പെട്ടിരുന്നു. എന്നാൽ ടിപി ദാസന്‍ തന്നെ സ്പോട്സ് കൗണ്‍സില്‍ പ്രസിഡന്‍റാകുമെന്നാണ് റിപ്പോർട്ടുകൾ.

അഴിമതി ആരോപണമുയര്‍ന്നതിന്റെ പേരില്‍ അഞ്ജു ബോബി ജോര്‍ജ്ജും ഭരണസമിതിയിലെ മുഴുവൻ അംഗങ്ങളും ഇന്നലെയാണ് രാജിവെച്ചത്.

കൂടുതൽ വായിക്കാം: അഞ്ജു ബോബി ജോര്‍ജ്ജ് രാജിവെച്ചു

സംസ്ഥാന സ്പോര്‍ട്സ് കൗണ്‍സില്‍ ഭാരവാഹികള്‍ രാജിവെച്ച സാഹചര്യത്തില്‍ സംഘടനയുടെ നടത്തിപ്പിനായി താല്‍കാലിക അഡ്ഹോക്ക് കമ്മിറ്റി രൂപികരിക്കാനും സര്‍ക്കാര്‍ തയ്യാറെടുക്കുന്നുണ്ട്.

കൂടുതൽ വായിക്കാം: വിജിലന്‍സ് അന്വേഷണം വേണമെന്ന് അഞ്ജു