ആരോക്യ രാജീവിന് തമിഴ‍്‍നാട് സർക്കാരിൻെറ വക 30 ലക്ഷം

ചെന്നൈ: ഏഷ്യൻ ഗെയിംസ് വെള്ളിമെഡൽ ജേതാവ് ആരോക്യ രാജീവിന് തമിഴ‍്‍നാട് സർക്കാരിൻെറ വക 30 ലക്ഷം രൂപ പാരിതോഷികം. മുഖ്യമന്ത്രി എടപ്പാടി പളനിസ്വാമിയാണ് സമ്മാനം പ്രഖ്യാപിച്ചത്. ചൊവ്വാഴ്ച വെള്ളിമെഡൽ നേടിയ 4X400m റിലേ ടീമിൽ അംഗമാണ് ആരോക്യ രാജീവ്.

രാജ്യത്തിൻെറയും സംസ്ഥാനത്തിൻെറ അഭിമാനമുയർത്തിയ രാജീവിനെയും ടീം അംഗങ്ങളെയും മുഖ്യമന്ത്രി അഭിനന്ദിക്കുകയും ചെയ്തു. രാജീവിൻെറ മികച്ച പ്രകടനത്തിന് സഹായിച്ച സപ്പോർട്ട് സ്റ്റാഫ് അംഗങ്ങളെയും അദ്ദേഹം അഭിനന്ദിച്ചു.

മലയാളിതാരം മുഹമ്മദ് അനസ്, എം.ആർ. പൂവമ്മ, ഹിമ ദാസ്, ആരോക്യ രാജീവ് എന്നിവർ അടങ്ങിയ ടീമാണ് 4X400 മീറ്റര്‍ മിക‍്‍സഡ് റിലേയിൽ വെള്ളി നേടിയത്. ബഹ്‌റൈനാണ് ഈ ഇനത്തിൽ സ്വര്‍ണംനേടിയത്. കസാഖ്‌സ്താനാണ് വെങ്കലം ലഭിച്ചത്.